MERKEZÊ XEBERAN – Komê çeteyan ê girêdayê Hukmatê Demkî yê Sûrîye bêmabêne hêrişê taxanê Şêxmeqsûd, Eşrefîye û Benî Zêd ê Helebî kenê. Ame zanayene ke netîceya hêrişê dronê bombakerdî de di sivîlî birîndar bîyê.

 

Çeteyê (Emşat, Hemzat, Nûredîn Zenkî û Sultan Murad) yê girêdayê hukmatê demkî yê Sûrîye taxanê Şêxmeqsûd, Eşrefîye û Benî Zêdî bi giranî topvaran kenê.

 

Çeteyê hukmatê demkî yê Sûrîye bi dronan taxa Benî Zêdî ya Helebî topvaran kerdî. Dîmenan de zî yeno dîyayene ke 2 sivîlî birîndar bîyê û Hêzê Asayîşê Zereyî hewl danê înan berê nêweşxane.

 

Ame neqlkerdiş ke netîceya topvaranê taxa Eşrefîye ser de adir keyeyê welatijêk de kewto.

 

Taxê Şêxmeqsûd, Eşrefîye û Benî Zêdî yê Helebî bi hêrişê çeteyan ê girêdayê hukmatê demkî yê Sûrîye rî bi rî yê û netîceyî de heta nika 8 merdimî ameyê qetilkerdiş, 57 zî birîndar bîyê, mîyanê înan de tutî zî est ê.