ERZÎNGAN - Tepişteyê Zîndanê Cinîyan ê Erzînganî dîyar kerdî ke îdarekarê zîndanî heqê înan ê pawitişê bi kurdkî asteng kerdo.

 

Tepişteyê Zîndanê Cinîyan ê Erzînganî, qalkerdişê xo yê hewtane yê keyeyê xo dir dîyar kerdî ke îdarekarê zîndanî heqê înan ê pawitişê bi kurdkî asteng kerdo. Tepişteyan va ke înan hemverê cezaya dîsîplînî ya hetê îdarekarê zîndanî ra dîyaya, bi kurdkî Dadgeha Înfazî ya Erzînganî û Dadgeha Cezaya Berzî de pawitiş kerdo û îdarekarê zîndanî rayîr vernîya înan de padayo û pawitişê bi kurdkî asteng kerdo.

 

Cigêrayîşê zitî sey cezaya nimite

 

Tepişteyî ke binpaykerdişê heqê mîrdiman keyeyê xo rê qal kerdî, vatî ke wextê serdayîşê nêweşxaneyî de hetê leşkeran ra rastê cigêrayîşê zitî ameyî. Înan dîyar kerd ke semedo ke nê metodî red kerdê, tenê dermankerdişê nêweşxaneyî înan ra red nêbî, eynî wextî de îdarekarê zîndanî hemverê înan de cipersayîşê dîsîplînî dest pêkerd û hucreyê yewkesî ferz kerd.

 

Bêawe derman ferz kerdî

 

Tepişteyan dîyar kerd ke wextê agêrayîşê nêweşxaneyî de mecbûr mendê bêawe derman bigîrê. Înan sewbîna dîyar kerd ke wextê agêrayîşê nêweşxaneyî de bi saetan kelepçe de mendê û doktorê zîndanî bi ereykerdişê vurnayîşan de nêweşîya înan tewr giran kerdo.