STENBOL - Yewin roniştişê dewaya rojnamegere Elîf Aygul ke çarçewaya cipersayîşê HDKî de amebî akerdiş, ame vînayîş.

 

Yewin roniştişê dewaya rojnamegere Elîf Aygulî ke çarçewaya cipersayîşê Kongreya Demokratîke ya Şaran (HDK) de bi sûcê “endamîya rêxistine” yena muhakemekerdiş, Dadgeha Cezaya Giran ya 25ine ya Stenbolî de ame kerdiş.

 

Elîf Aygul û avûkatê aye, eynî wextî de endamê HDK’yî Mehmet Saltoglu û avûkatê ey ke o zî bi eynî dosya yeno muhakemekerdiş, tewrê roniştişî bî. 

 

Roniştiş de, heyetê dadgehe qerar da ke materyalê dîjîtalê ke ameyî girewtiş, açarnê û qedexeyê derkewtişê teberê welatî û şertê kontrolê edlî dewam bikero, eynî wextî de kombîyayîşê peyîn 4ê Kanûne rê ame taloqkerdiş.