MERKEZÊ XEBERAN - Ame dîyarkerdiş ke hêrişê Îsraîlî yê hemverê herêmê cîya yê Şerîdê Gazeyî de cinî û tutî mîyan de tewr tay 30 filistînijî merdî, hûmarêke zêde kesî birîndar bî. Hûmara kesê ke ameyê qetilkerdiş, resa 66 hezar û 5.

 

Hêrişê Îsraîlî yê hemverê Şerîdê Gazeyî de bêmabêne dewam keno. Goreyê çimeyê weşîye û şahidan, artêşa Îsraîlî, beşê Vakur û Başûrî yê merkezê Gazeyî kerd hedef.

 

Hêrişê hemverê kampa koçberan ê Bureyc û Nusayretî de 19 kesan dinyaya xo bedelnayî.

 

Hêrişê Nusayrat ke keyeyê Abu Amir kerd hedef de 7 filistînijî merdî.

 

Hêrişê hemverê keyeyêk kampa koçberan ê Nusayrat ke rojawanê herêma Hasayine de ca gêno de mîyan de babî û laj 3 kesî merdî û hîn kes zî birîndar bî.

 

Sewbîna Îsraîl bajarê Gazeyî de derûdorê merkezê Tibî yê Şifa, taxa Nasr û Sabra û derûdorê kampa koçberan ê Şati ame hedefgirewtiş.

 

Bajarê Refah û Han Yunus hêrişê Îsraîlî derûdorê merkezê vilakerdişê hetkarî de xeylêk kesî merdî û birîndar bî.

 

Hûmara kesê ke 7ê teşrîna verêne 2023ine ra heta nika hêrişê Îsraîlî yê hemverê Şerîdê Gazeyî de dinyaya xo bedelnayî bî 66 hezar û 5, hûmara birîndaran zî resa 168 hezar û 162 kesan. Ame dîyarkerdiş ke hema binê xirbeyan de bi hezaran cenaze mendê.