ANQARA - Bi eşkerayîyêke derheqê hesabê fermî yê X yê Meclîsê Cinîyan ê TJA û DBP’yî de, ame vatiş ke tu astengî do rayîr verê rayîrşîyayîş û têkoşînê cinîyan nêgîro.

 

Meclîsê Cinîyan ê DEM Partî derheqê qedexeyê resnayîşî yê hesabê fermî yê X yê Meclîsê Cinîyan ê Partîya Herêman ê Demokratîk (DBP) û Têgêrayîşê Cinîyanê Azadan (TJA) de eşkerayîyêke weşan kerd. Eşkerayî de qedexe sey "hêrişêk eşkere têkoşînê cinîyan û heqê qiseykerdişî" bi name kerd.

 

Eşkerayî wina dewam kerd: "Hewldayîşê bêvengkerdişê platformê ke cinî semedê parekerdişê tecrûbe, waştiş û têkoşînê xo yê rêxistinkerde şuxilnenê, terso ke hemverê têkoşînê ma yê semedê azadîya cinîyan yeno hîskerdiş e. Ewro, hewldayîşê bêvengkerdişê ma tena hesab bi xo nîyo; na kampanyaya "Ma bi Hêviyê Ver bi Azadîye Rayîr ra Şinê" ke hetê TJA ra ameyo destpêkerdiş. Semedo ke na kampanya rayîrşîyayîşêk hempar ê îradeyê cinîyan semedê azadî, hêvî û xoverdayîşî yo. Tu astengî do nê rayîrşîyayîşo ke cinîyan rayîrê azadî ser o û têduştî dayê destpêkerdiş, nêeşko vindarno.