ÎZMÎR - Cinîyan reaksîyon vera qerarê "Heqê hêvîye" yê KWKE’î mojna û dîyar kerdî ke heqê hêvîye semedê cinî û şarê bindestî yo.

Komîteya Wezîran ê Konseya Ewropayî (KWKE) qerarê xo yê derheqê “Koma Gurban” ke “Heqê hêvîye” yê Rayberê Şarê Kurdî Abdullah Ocalanî û tepişteyanê bînan 18ê êlule de da. Komîteya ke demê verî semedê eştişê gaman serrêke dem dabî Tirkîya, reyke bîn heta Hezîrana 2026ine dem da Tirkîya. KWKE heta hezîrana 2026ine Tirkîya ra gamêke somut pawena.

 

Cinîyan reaksîyon qerarê KWKE rê mojna û dîyar kerdî ke ganî lezkî qerar pê bêro.

 

Goreyê qanûnan têbigêrê

 

Hemsereka Pêroyî ya Komeleya Elewiyan ê Demokratîk (DAD) Kadrîye Dogan wina dîyar kerd: “Emser kerdî rojeva xo û çi heyf pê nêame û newe ra wext ame dayîş. Birêz Ocalan venga Komîteya Wezîran kerd û heqê hêvîye wêdeyêr qanûnî heqê hêvîye kerd rojeve. Ma hêvîdar ê ke no heq bêro dayîş. Ganî ma waştişê xo bîyarê ziwan xo rêxistin bikerê. Abdullah Ocalan venga aştî û komelê demokratîk kerd û va, ganî waştişê demokrasî bêro berzkerdiş. Ganî semedê temamkerdişê proses ma berpirsiyariyê cidî bigîrê xo ser.”

 

‘Ganî Abdullah Ocalan şarî xo dir bêro têhet’

 

Kadriye Dogan wina va: “Zindanan de cuye semedê cinîyan tewr zehmet o. Heqê hêvîye heqê pêro tepişteyan o. La hewcedarîya cinîyan ya her kesî ra zêdeyêr pê est a. Ganî birêz Ocalan lezkî şarê ke serkêşî keno, bêro têhet. Ganî heqê hêvîye bikewo cuye. Ganî Komîsyonê Meclîsî Birêz Ocalan goşdarî bikero û vengê xo dinya rê bîyarê têhet.”

 

‘Ma pêro hêvîye pawenê’

 

Hemsereka şaxa DADî ya Îzmîrî Nebat Çelîk zî wina va: “Girewtişê nê qerarî hetê demokrasîya Tirkîya de muhîm o. Bêsûc xeylêk tepişteyî tepişte yê. Caardişê heqê hêvîye semedê înan muhîm o. Ganî lezkî bikewo cuye. Sere de Îmrali, ganî pêro tepişteyî nê ra feyde bigîrê. Ma pêro heqê hêvîye pawenê.”

 

‘Semedê welatêk demokratîk ganî heqê hêvîye pê bêro’

 

Endama şaxa DADî ya Îzmîrî Semra Acar zî wina va: “Semedê merdimayî welatêk demokratîk caardişê heqê hêvîye muhîm o. Ganî semedê merdimayî no heq bêro dayîş. Bawerîya mi est a ke do elewî destek bidê. Qerarê Konseya Ewropayî nê hetî de bi erj o la çi heyf qerar pê nîno. No zî binpaykerdişê heqî yo. Semedê welatêk demokratîk ganî heqê hêvîye pê bêro.”