Melek Avci

 

ANQARA- Franzîska Stîer ke paştdayîş da kampanyaya "Wazena Abdullah Ocalanî dir pêvînayîş bikerî" wina va: “Ma tewrê kampanyaye benê semedo ke hêvî dana. Konfederalîzmê demokratîk semedê merdimî mîyanê aştîye de biciwîyê rayîrêk sîyasî mojneno û venga aştîye zî pêwa pêro rîskan, îradeyê pratîk dano werte.”

 

Serê nameyê Partîya BastA! ya Swîsreyî ke dîyar kerd ke paştdayîş dana kampanyaya "Ez wazena Abdullah Ocalanî dir pêvînayîş bikerî" ke Forumê Azadî û Aştîye ya Ewropayî (EFFP) dayo destpêkerdiş, Sekretera Pêroyî Franzîska Stîer ke tewrê kampanya bî, derheqê babete de qisey kerd.

 

‘Pêro vengdayîşê pêkerdişî kenê muhîm ê’

 

Franzîska Stîer dîyar kerd ke mektubêke wezaretê dade rê nuştê û semedê pêvînayîşê Abdullah Ocalanî dir destur waştê û va: “Bi no hawayî ma eşkenê fikrê ey bieşnawê û hêvîya aştîye xurt bikerê. Bi vengdayîşê ci yê aşma sibate de amekerdiş, PKK’yî qerarê fehskerdişî da û heto bîn ra zî vengdayîşê semedê çarserî keno. Na gamêka xeylêk muhîm a. Ma pêro vengdayîşê pêkerdişî xeylêk muhîm vînenê. No semedê ma pêrûne derbazdar o.”

 

‘Hewcedarîya dinya û cinîyan bi aştî est a’

 

Franzîska Stîer wina va: “Hewcedarîya pêro dinya bi aştî est a. Ya cinîyan bi aştî est a. Şer tehdîd o. Pêro merdiman yewbînan ra keno. Tutanê ma kenê hacetê şerî. Semedo ke ma şerî ra zaf tesîr benê.”

 

‘Mesajêk zelal şirawit’

 

Franzîska Stîer tewr peyîn wina va: “Pêro butçe şerî rê yeno xerckerdiş. Her kes verê xo dano çekan. Nê semedî ra vengdayîşo ke Birêz Ocalanî kerdo xeylêk muhîm o û mesajêk zelal o. Ma tewrê kampanyaye benê, semedo ke hêvî dana. Konfederalîzmo demokratîk semedê merdimî mîyanê aştîye de bicîwîyê rayîrêk sîyasî mojneno û vengdayîşê aştîye zî pêwa pêro rîskan, îradeyê pratîkî dano werte.”