Melîke Aydin

 

ÎZMÎR - Akademîsyen Zeynep Ardiç dîyar kerd ke semedê desturêk bingehîn ê sivîlî ganî proses zelal bo û azadîya fikr û fehmî bibo. Zeynep Ardiç va ke ganî cinî û hetê bêîmkanî semedê xo rê ca abikerê, têkoşîn bikerê.

 

Dimayê vengdayîşê ‘Aştî û komelê demokratîkî’ yê Rayberê Şarê Kurdî Abdullah Ocalanî, derheqê Desturê Bingehîn û peymana komelî ya Tirkîya munaqeşeyî zî dest pêkerd. Perwerdekara Unîversîteya Medeniyetî ya Stenbolî Zeynep Ardiç derheqê babete de qisey kerd û va, ganî cinî û komê bêîmkanî semedê xo têkoşîn bikerê.

 

‘Ganî goreyê usulî bêro kerdiş’

 

Zeynep Ardiç dîyar kerd ke prosesê viraştişê desturek bingehîn ê sivîlî de ganî vernê de usulî bêrê qiseykerdiş û va: “Bi ameyîşê şarî yê çend aktoran û amadekerdişê pêşnîyazîyêk înan netîceyêke demokratîk nêeşkeno bêro girewtiş. Ganî pêro pêameyî, partîyê sîyasî, sazgehê komelê sivîlî, şar, kesî, komî tewr bibê waştişê xo bîyarê ziwan û goreyê lazimî qerar bidê û bi no hawayî pêşnîyazîyêk bêro amadekerdiş.”

 

‘Ganî zextî peynî bibê’

 

Zeynep Ardiç dîyar kerd ke viraştişê desturê bingehîn de ganî vernê de problemê babeta heq û azadîyan de bêrê çarserkerdiş û derheqê nê de zî madeyê têkildarî de sererastkerdiş bêrê kerdiş.  Zeynep Ardiç wina va: “Ganî sererastkerdişê derheqê zextê serê hukmî de bêrê kerdiş û xoserbîyayîşê hukmî bikewo binê asayîşî û zextî peynî bibê.”

 

‘Semedê desturê bingehîn ê sivîlî azadiya fikr û fehmî şert a’

 

Zeynep Ardiç tewr peyîn wina va: “Semedê desturê bingehîn ê sivîlî azadiya fikr û fehmî şert a. Tirkîya de azadîya fikr û fehmî çin a. Ganî cinî û hetê bêîmkan, semedê xo rê ca abikerê, têkoşîn bikerê. Ganî waştişê cinîyan verê çiman de bêro girewtiş. Na babete de ganî cigêrayîş bêro kerdiş. Semedo ke cinî tewrê prosesî bêrê kerdiş, ganî tewr zêde têkoşîn bidê.”