WAN - Maseyê Încî Kefalî ke her serre mabêne aşmanê nîsane û temmuze de koçê xo kenê, emser  germbîyayîşê hewayî dir koçê înan dest pêkerd. Bi hezaran kesî semedê nê koçberî temaşe bikerê şinê Bendê Maseyan ê Erdîşî.

 

Maseyê Încî Kefalî, yewine tewirê maseyê ke Gola Wanî de ciwîyenê. Awa Gola Wanî bi sole û soda ya. Nê semedî ra wayîrê taybetîyêk pîl o. Încî Kefalî famîlyayê sazanan ra yo. Dinya de tena gola Wanî de ciwîyenê.

 

Demê ronayîşê hekan

 

 

Încî Kefalî aşma nîsane de hakan kenê û heta peynîya aşma temmuze koçê xo dewam kenê. Maseyî nê demî de bi komî ver bi awanê herikbar şinê. Demo ke awê herikbarî resayî 13 dereceyî maseyî şinê nê awan û hakan danê ro. Dimayê ke maseyê awa herikbar cayê qum û çakilan hakan danê ro, agêrenê gole.

 

Koçê înan dîmenê bi heybetî pêşkêş keno

 

Maseyê Încî Kefalî na raywanîya bi zehmetî de, eksê ci herikênê awe asnewî kenê. Nê semedî ra zî bi holkerî asnawî kenê. No koçê maseyan dîmenê bi heybet pêşkêş keno.

 

 

Eleqeyêk pîl vînenê

 

Mabêne nê tarîxî de seydê maseyan yeno qedexekerdiş. Bendê Maseyan ê Erdîşî yê Parkê Tabîatî, koçê maseyan zêde yeno vînayîş û heyê şarî ra eleqeyêk pîl vînenê. Bendê Maseyan ê Erdîşî hetê xeylêk kesî ra yeno zîyaretkerdiş û eleqeyêk pîl yeno mojnayîş.