Memîhan Hilbîn Zeydan

 

WAN-Proseso ke badê vengdayîşê Rayberê Şarê Kurdî Abdullah Ocalanî yê 27ê Sibate de kerd dima dest pêkerd, dewam keno. La hema hetê dewlete ra tu game nêameya eştiş. Cinîyan proses erjna û dîyar kerdî ke ganî dewlete êdî hetê aştîye ra gaman bierzo.

 

Rayberê Şarê Kurdî Abdullah Ocalanî 27ê Sibate de mesajê vengdayîşê "Aştî û Komelê Demokratîkî" pare kerd. PKK'yî bingehê caardişê vengdayîşê Abdullah Ocalanî 5-7ê gulane de kongreya xo organîze kerd û ci de qerarê fesihkerdişî da. Proses û gamê ke ganî bêrê eştiş dewam kenê la hema hetê dewlete ra gamêka somut nêameya eştiş.

 

Cinîyê wanijî derheqê prosesî de qisey kerdî.

 

Dîdem Çetîner: No semedê şaran qerarêk baş o. Ez hetê aştîye ya. No prosesêk di hetî yo. Ganî dewlete êdî gaman bierzo. Ganî vernîya her çî bêtêduştîya mabêne şaran werte ra bêro wedaritiş. Aştî do ekonomî de zî vurnayîşan pozîtîf bikero.

 

Naciye Kiliç: Kurd û tirkî wayê û bira yê. Yewine waştişê ma aştî ya.

 

Gulçîn Demîr: Ma aştî wazenê. Ganî her kes aram bo. Ganî tepişteyî bêrê veradayîş. Êdî wa cuyêka aram bibo.

 

Gulperî Yilmaz: Ganî lezkî aştî pê bêro. Aramî bo. Ma pêro wayê û bira û musliman ê. Ma cuyêka rehet û bêveng wazenê, şer nêwazenê. Wa no zulmê kurdan ser o peynî bo. Ma aştî wazenê.

 

Behiye Durmaz: Wa dayîkî tutanê xo ra nêvisîyê. Wa her kes aram bo. Hêvîdar a do aştî bêro. Ganî dewlete lezkî gaman bierzo.