MERKEZÊ XEBERAN - Endama Konseya Serekîya Pêroyî ya KCK’yî Sozdar Avesta pare kerd ke ê do mîrasê PKK’yî yo 52 serrî ser o têkoşînî pîlêr bikerê û vat: “Wext wextê yewî, aştî û komelê demokratîkî yo.”

 

Kongreya PKK’yî ya 12. mabênê 5 û 7ê gulane de amebî kerdene. Endama Konseya Serekîya Pêroyî ya KCK’yî Sozdare Avesta derheqê kongre de ajansê ANF’yî rê nê erjnayîşî kerdî.

 

Sozdar Avesta erjnayîşêk bi nê rengî kerd:

 

“Kongreya 12. kongreya tarîxî bîye. PKK’yî serkêşîya Rayber Apoyî de 52 serrî yo têkoşîn kerdêne. Kongreya ma netîceya nê têkoşînî ya. PKK’yî şarêko merde kerd gandar. PKK’yî seba merdimîye şorişêk viraşt, têkoşînê cinîyan, şorişê cinîyan aver berd. Ewro cinîyê kurdî xêrê nê têkoşînî ra serkêşîya têkoşînê azadîye kenê.

 

Têkoşînê PKK’yî û Rayber Apoyî kurdê azadî afirnayî. PKK’yî esasê Vengdayîşê aştî û Komelê Demokratîkî de bi perspektîfê Rayber Apoyî kongreya xo kerde. Kongre de qalibê sosyalîzmê reelî ameyê şiknayene. Çew nêeşka PKKy’yî bin bivisno.

 

Hinî bi erk û mesuldarîyan komelo demokratîk do bêro awankerdene. Nê têkoşînî de serdestîya camêrdan do bêra binvistene, yewîya şaran û aştî do bêrê caardene. PKK’yî no vurîyayîş seba pêro merdimîye kerd. Coka hinî PKK şar o.

 

Bi na kongre ame îsbatkerdene ke sûcdarîya ‘teror û terorîzmî’ çend veng a. Pêro delegeyî na kongre de dormeyê Rayber Apoyî de kom bîyî. Ma do mîrasê PKK’yî yo 52 serrî ser de têkoşînî pîlêr bikerê. Wext wextê yewî, aştî û komelê demokratîkî yo.”