AMED - Cinîyê ke bernameyê ‘Keda cinî û pêvînayîşê kulturî’ yê şaredarîya bajarê pîlî ya Amedî de berardişê xo rotî, dîyar kerdî ke nê bernameyî semedê xo dayî rotişî ver û dîyar kerdî ke nê bernameyî semedê paştdayîşê debare yenê kerdiş û ganî bernameyî wina dewam bikerê.

 

Bernameyê ‘Keda cinî û pêvînayîşê kulturî’ ke Serekîya Daîreyê Xizmetê Cinî û Keyeyî yê Şaredarîya Pîlî pê ard, peynî bî. Bername de berardişê keda destê xo rotî. Qezaya Sûrî Meydanê Şêx Seîdî de bernameyî virazîyayî zî eleqeyêk pîl vînayî.

 

Cinîyê ke berardişê xo pêvînayîş de rotî, ajansê ma rê qisey kerdî.

 

‘Ez semedê dermankerdişê birazîya xo şuxilêna’

 

Ayşegul Yaşar dîyar kerd ke semedê dermankerdişê birazîya xo şuxilêna û va: “Mi semedê nê berardişê xo pêvînayîş de rotî. Berardişê keda cinîyan ameyî ravistiş. Semedê weşîya birazîya xo ez zî hewl dana ke şar bibo hemkar. Ma nêwazenê tuta xo vînî bikerê. Ez semedê dermankerdişê birazîya xo her kesî ra paştdayîş pawena. Ez sey cinîyêke bi berardişê xo têkoşînê cuye dana. Ma şaredarîya xo rê sipas kenê. Bêcinîyan cuye mumkin nîya.”

 

‘Ma sey şarî dewamê nê bernameyanê xo wazenê’

 

Nûrcan Polat dîyar kerd ke bernameyê hetê şarî ra eleqeyêk pîl dîyo û wina va: “Ma sey şarî wazenê ke nê bernameyî dewam bikerê. Ma wazenê bişuxilîyê  û semedê tutanê xo çîyêk bikerê. No bername xeylêk baş bî. Merdim ekonomîya xo bikero destê xo zaf baş o. Ez zî wazena paştdayîş bidî keyeyê xo. Semedê şaredarî sipas kena.”

 

‘Kulturê kurdî hetê hîra ra vila beno’

 

Gulşah Çukur zî dîyar kerd ke berardişê keda cinîyan eleqeyêk pîl vînayo û va: “Şarî eleqeyêk pîl mojna. No bername paştdayîş da ekonomîya cinîyan. Bi xêrê nê bernameyî kulturê kurdî girseyê pîlî rê vila bî. Ma wazenê bernameyê wina dewam bikerê.”