Neslîhan Kardaş

 

WAN - Nazîme Avras ke prosesê pêrodayîşî de, mêrde, di bira û xeylêk merdimanê xo vînî kerd û va, ê prosesî rê destek danê û wina dewam kerd: “Ma vengdayîşê Birêz Ocalanî bi dej pêşwazî kenê. No vengdayîş semedê aştîyêk bi rûmet vengdayîşêk ca de yo.

 

Rayberê Şarê Kurdî Abdullah Ocalanî vengdayîşê ‘Aştî û komelê demokratîkî’ 27ê Sibate de bi hemkarîya heyetê Îmraliyî deklere kerd û seranserê Tirkîya, Kurdistan û dinya de veng da. Paştdayîşê ji semedê vengdayîşî dewam keno û îqtîdarî ra gamê somutî yenê pawitiş.

 

Nazîme Avras prosesê pêrodayîşan de tarîxê cîya de mêrde û di birayê xo vînî kerd. Nazîme Avras da zanayîş ke pêwa mêrde û di birayê xo xeylêk merdimanê xo prosesê pêrodayîşî de vînî kerda.

 

‘Xeyalê înan pîl bî’

 

Nazîme Avras wina va: “Zewacê ma demêk kilm bî. Mêrdeyê mi cuya xo da şorişî ser. Rojêke mi va, di tutê ma est ê û ey zî va, tu mereq meke azadîya Kurdistanî nêzdî ya. Xeyalê înan pîl bî. Ma di serrî têhet bî. Badê tewrê PKK’yî bi. Dewa ma ameye veşnayîş. Amancê mêrdeyê mi cuyêka azad bî.”

 

‘Tarîxê xo ra dûrkewtiş pûçbîyayîş o’

 

Nazîme Avras dîyar kerd ke tutê kurdan bi hîkayeyê ke keye û şarê xo ra goşdarî kerdê pîl bîyê û va: “1914ine de keyeyê ma ra hîrê kesî yenê dardekerdiş. Keyeyê ma her tim hîkayeyanê înan vatêne. Ma bi nê hîkayeyan pîl bî. Yê ke hemverê tarîxê xo dûr kewenê, rijyenê. Îqtîdar semedo ke vînî nêkero, bîyayîşê xo kurdan ser o dewam keno. Şarê tirkî hema kurdan fam nêkerdê. 1993 ra heta nika nê têkoşînî de mi di tutî pîl kerdî. Mêrdeyê mi 1997ine de dewa Engesor de faqe de şehîd kewt. Mi soz da xo. Ez rayîrê mêrdeyê xo de dewam kena.”

 

Nazîme Avras dîyar kerd ke xêrcê mêrdeyê aye, di birayê aye zî prosesê pêrodayîşan de dinyaya xo bedelnayê û gorê înan zî çin o. Nazîme Avras wina dewam kerd: “Tutê ma bi hîkayeyê ma pîl bî. Hîkayeya Kurdistanî zî na ya.”

 

‘Vengdayîşê Abdullah Ocalanî semedê aştîyêk bi rûmet o’

 

Nazîme Avras bale ant serê vengdayîşê seserre yê Rayberê Şarê Kurdî Abdullah Ocalanî û wina va: “Ma mîyanê dejî de nê vengdayîşî pêşwazî kenê. No vengdayîş semedê aştîyêk bi rûmet vengdayîşêk ca de yo. Badê vengdayîşî û pêvînayîşan hema dewleta tirkan kayanê xo dewam kena. Hema semedê aştîye gamêke nêameya eştiş. Pêwa hende dejî, ma hema zî aştî wazenê. Ma destê xo derg kenê la ê nêgînê. No edalet nîyo. Ez çend dosyayan ra 8 serrî tepişte menda. Nika 26 dosyayê ke mi ser o ameyê akerdiş est ê. Pêwa hende dejî waştişê ma aştî ya. Pêro keyeyî zî aştî wazenê.”