Nazlican Nûjîn Yildiz

 

ÎZMÎR - Derheqê vengdayîşê Rayberê Şarê Kurdî Abdullah Ocalanî, Sereka EMEP'î ya Îzmîrî Elîf Çuhadar qisey kerd û dîyar kerd ke vengdayîş pozîtîf o û bi tewrbîyayîşê sinifa karkeran ê prosesî do têkoşîn geş bibo. Elîf Çuhadar zî dîyar kerd ke ganî no proses Meclîs de bêro kerdiş.

 

Wexto ke vengdayîşê “Aştî û Komelê Demokratîkî” ke 27ê Sibate de hetê Rayberê Şarê Kurdî Abdullah Ocalanî ra ame kerdiş, hetê xeylêk komelî ra ame pêşwazîkerdiş, eşkerayîyê paştdayîşî yê semedê bangawazî dewam kenê. Heyetê Îmraliyî yê Partîya Têduştî û Demokrasî (DEM Partî) badê pêvînayîşê xo yê partîyê sîyasî, tepişteyê sîyasî yê zîndanan û Başûrê Kurdistanî yê derheqê prosesî de, 10ê nîsane roja panşeme Serekkomar Tayyîp Erdoganî dir pêvînayîş kerd.

 

Sereka EMEP'î ya Îzmîrî Elîf Çuhadar derheqê babete de ajansê ma JINNEWS'î rê qisey kerd. 

 

'Atmosferêk zelal nîyo est o'

 

Elîf Çuhadar dîyar kerd ke vengdayîşê Rayberê Şarê Kurdî Abdullah Ocalanî sembolê peynîkerdişê şerî yê 50 serrî yo û va: "Nê wareyî de muhîmîyêk pîl est o. Pawitiş û bidestkerdişê waştişê demokratîk serdemê neweyî de zemînêk newe awan keno. Na çarçewa de muhîmîyê têkoşînê hempar, yewbîyaye yê pêro kedkar û kedkaran zêde beno. No vengdayîş semedê partîya ma pozîtîf a. Labelê rewşêke bi nê rengî zî est a; hetê hukmatî ra her tim atmosferêk bendewarî û nêdîyar yeno awankerdiş ke îqtîdarî her tim gane verdeno."

 

'Ganî têkoşîn pîl bibo'

 

Elîf Çuhadar dewam de va: "299 ciwanê ma tepişte yê. Îzmîr de 400 ciwanî destbend bî, 19 înan ra ameyî tepiştiş. Hêzê kede û demokrasî bi têkoşînê baroyî û 700 avûkatê zerrîwazî rastê îmtîhanêk muhîm ameyî. Nê semedî ra ciwanî hemverê nê de têkoşînê xo yê bêameyox, boykotkerdiş, hemverê ameyoxê xo bêtesîr kenê, boykot kenê. Nê prosesî de bidestkerdişê waştişê heqê xo yê demokratîkî bi hêzê şarî dir, têkoşînê sinifa karkeran, bi berdewamî û hîrakerdişê nê têkoşînî dir rasterast tesîr o. Ma baş zanê ke înan ra çîyêk nîno, no waştiş rasterast cor ra nînê, tena bi têkoşîn do serbikewê.”

 

‘Ganî perlamento de bêro munaqeşekerdiş' 

 

Elîf Çuhadar tewr peyîn wina va: "Parlementerê ke hetê kede û şarî yê zî est ê. Semedê înan muhîm o ke paştdayîşê nê prosesî bikerê. Meclîs de bi pêro şefafiyetî nê prosesî munaqeşe bikerê û uca ra aver şêrê. Meclîsî de munaqeşekerdişê nê prosesî û parekerdişê rayapêroyî dir muhîm o. Ganî her çî vernî de û bi hawayêko şefaf bêro kerdiş û paştdayîş bêro dayîş. Semedo ke parlamento nê prosesî bizano, qerarêk bido û ercnayîşê xo rayapêroyî dir bikero yew.”