MERKEZÊ XEBERAN - 4 bajarê kantonê Cizîrî ra şarî verê xo da Awbendê Tişrînî. Çalakîkeran dîyar kerd ke rayîrê Awbendê Tişrînî semedê rayîrê azadîye yo, ê do her tim pey sozê cangorîyanê xo bê.

 

Bi seyan welatijê bajarê Qamişlo, Amûdê, Til Hemîs û Tirbespiyî yê kantonê Cizîrî ra sibayî ra semedo ke tewrê xoverdayîşê Awbendê Tişrînî bibê, verê xo dayî awbendî.

 

Çalakîkeran bi coşêk pîl badê gernayîşê govende, esprê wesayîtan bî û kewtî rayîr.

 

Çalakîkeran ANHA'yî rê dîyar kerdî ke înan na rey îmkanê şîyayîşî dîyî, coka bi waştişêk geş ê do tewrê xoverdayîşê Awbendê Tişrînî bibê û dîyar kerdî ke rayîrê Awbendê Tişrînî de semedê înan rayîrê azadîye yo.

 

8ê çeleyî ra no karwanê 15ine yo ke kantonê Cizîrî ra şino Awbendê Tişrînî.

 

8ê çeleyî ra şarê Vakur û Rojhelatê Sûrîye semedê pawitişê Awbendê Tişrînî nobedarî de yê.