Melîke Aydin

 

MUGLA - Platformê Cinîyan ê Datçayî Nurşen Sonmez dîyar kerd ke awankerdişê komelê demokratîkî de, têduştîya cinî û camêrdî û temsîlkarîya şaran heqê kultur û ziwanê dayîke de muhîm o û vat, cinî eşkenê aştîye pê bîyarê.

 

Platformê Cinîyan ê Datça bi pankartê xo beşdarê pîrozbayîya Newroze ya Datça û Bodrumî bi sloganê "Rayberîya Azad Komelê Demokratîkî" û "Semedê Azadîye Komelê Demokratîkî" ame organîzekerdiş bî. Endamê platformî meydan de bi sloganê "Jin jiyan azadî" û "Biciwîyo têduştîya şaran" rayîr ra şî û waştişê xo yê açarnayîşê komelî ardî ziwan. 

 

Nameyê Platformê Cinîyanê Datça ser o Nurşen Sonmez qisey kerd û fikrê xo yê serê awankerdişê komelê demokratîkî de ard ziwan.

 

‘Şer tewr zêde dano cinî û tutan ro’

 

Nurşen Sonmez dîyar kerd ke înan sloganê, ‘biciwîyo têduştîya şaran’ kerdê ale, semedo ke tewr zêde şer cinîyan ser o tesîr keno û sloganê ‘jin jiyan azadî’, ‘bijî aştî’ berz kerdê. Nurşen Sonmez wina qal kerd: “Ma sey cinî, sey platformî reaksîyonê xo yê hemverê şerî ard ziwan. Caardişê bêdemokratîkî yê ke pê yenê, babeta kes yan zî  partî nîyê. Ma hemverê pêro bêqanûnî yê. Ma wazenê komelî şîdetî ra xelas bikerê. Ma semedê nê têkoşîn kenê. Polîtîkaya şerî tewr zêde tesîr cinîyan û tutan ser o kena. Ma nê semedî ra semedê aştî têkoşîn kenê.”

 

‘Semedê komelê demokratîkî têduştîya cinî û camêrdan şert a’

 

Nurşen Sonmez vat, ganî semedê aştîye ma pêro pîya têbigêrê û vat: “Ganî her kes têhet de ca bigîro. Ganî têduştîya cinî û camêrdî pê bêro. Semedê komelê demokratîkî ganî têduştîya cinî û camêrdî pê bêro. Ganî şat bieşko heqê xo bipawo. Ganî sere de heqê ziwan û kulturî bêro dayîş. Waştişê kurdan est ê. Sere de heqê perwerde yo û no zî muhîm o. Ganî welat de her kes bi ziwanê xo, bi kulturê xo biciwîyo. Ganî cinî wayîrê aştîye vejîyê. Ancax cinî eşkenê aştîye pê bîyarê.”