DÊRSIM - Hemşaredara Dêrsimî Bîrsen Orhan ke qeyûm vera aye ame tayînkerdiş û cezaya hepsê keyeyî ci rê amebî birnayîş, ameye destbendkerdiş.

 

Hemşaredara Dersimî Bîrsen Orhan 22yê teşrîna peyêne de qeyûm vera aye amebî tayînkerdiş û badê ameye destbendkerdiş, cezaya hepsê keyeyî aye rê amebî birnayîş. Hemşaredare Bîrsen Orhan reyke bîn keyeyê xo yê qezaya Pêrtagî de ameye destbendkerdiş.

 

Bîrsen Orhan hesabê xo yê medyaya dijîtale ser o vat: “Ez yena destbendkerdiş.''

 

Ame zanayîş ke do Bîrsen Orhan berê Dêrsim.

 

Dîyar bî ke Bîrsen Orhan bi îdiayê "Muxalefetê hemverê qanûnê protestoyî û rayîrşîyayîşî" û "Xoverdayîşê hemverê polîsan" ra ameya destbendkerdiş.