
Dewaya Leyla Aydemîr de ceza û beraet  

2026-06-26 15:10:58


	&nbsp;

	MERKEZÊ XEBERAN - Newe ra muhakemeyê dewaya derheqê merdişê biguman ê Leyla Aydemîre ya Agirî de, versuco tepişte Yusuf Aydemîr cezaya girankerde ci rê ame birnayîş, la yê ke bêtepiştiş ameyî muhakemekerdiş zî beraet kerdî.

	&nbsp;

	Ronîştişê 4ine yê newe ra muhakemeyê dewaya derheqê merdişê Leyla Aydemîre (4) ya ke 18 rojî dima vînîbîyayîşê aye 15ê hezîrana 2018ine de Agirî de binê şertê bigumanan de merde ameybî vînayîş de, Dadgeha Cezaya Giranî ya 1ine de ame organîzekerdiş.

	&nbsp;

	Yusuf Aydemiro tepişte bi rayîrê SEGBÎSî tewrê ronîştişî bi, versuc M.A.A, B.D., H.D., Y.A., û A.A. yê ke tepişte nîyê zî dadgehe de cayê xo girewtî. Keyeyê Leyla Aydemîre tewrê ronîştişî nêbîyî.

	&nbsp;

	Demê ronîştişî de, versuc Yusuf Aydemir hewl da ke xo pak vejo, eynî wextî de versucê bînî yê ke zîndan de nêbîyî zî waştişê beraetê xo kerdî.

	&nbsp;

	Dimayê goşdarîkerdişê hetan, dadgehe cezaya muebbetî yê girankerde da versuc tepişte Yusuf Aydemîr semedê “kiştişê bi zaneyî” û 6 serrî cezaya zîndanî semedê “bêparverdayîşê azadîya kesêk” da.

	&nbsp;

	Dadgehe versucê ke bêtepiştîş ameyî muhakemekerdiş zî beraet kerd.

	&nbsp;

	&nbsp;

	&nbsp;