
Xelatê Musabaqaya Hîkayeyê Kilmî yê Narîn Gurane ameyî dayîş

2026-06-25 15:07:18


	&nbsp;

	AMED - Şubeyê Egîtîm Senî yê Hûmara 3ine yê Amedî qezaya Erxenî de merasîmê xelatdayîşî yê Musabaqa Hîkayeyanê Kilm ê Narîn Gurane organîze kerd.

	&nbsp;

	Şubeyê Egîtîm Senî yê Hûmara 3ine yê Erxenî ya Amedî semedê yadkerdişê Narîn Gurane Erxenî de programê xelatdayîşî yê Musabaqaya Hîkayeyanê Kilm ê Narîn Gurane organîze kerd. Programo ke eywana veyveyêke de ame organîzekerdiş, Hemşaredare Bîrsen Azak Bayar, Şiyar Guldîken, rêxistinê qezaya Erxenî yê Partîyanê DBP û DEMî, endamê meclîsê Şaredarîya Erxenî, endamê Egîtîm Senî, keyeyê înan û zafê temsîlkarê sazîyanê sivîlî û zafê kesî tewrê ci bîyî. Program de verê Hemsereka Şubeyê Egîtîm Senî ya Hûmara 3ine ya Amedî Gulser Sargul qisey kerd.

	&nbsp;

	Gulser Sargul dîyar kerd ke kedkarî demê zehmetî ra vîyarenê û semedê vîyarnaynîşê nê zehmetîyan muhîmîyê yewbîyayîşî dîyar kerd. Gulser Sargul dîyar kerd ke kulturê yewbîyayîşî do serrê bêrê de têkoşîn xurt bikero.

	&nbsp;

	Hemşaredara Erxenî Bîrsen Azak Bayar zî bale ant şîdet û qetilkerdişê cinî û tutan ser o û semedê organîzekerdişê programê manayîn ê Egîtîm Senî rê sipasî kerd. Dimayê qiseykerdişan, Koma Muzîkî ya Şubeyê Egîtîm Senî vejîyayî sehne ser û performansê înan hetê beşdaran ra bi eleqeyêk pîl ameye goşdarîkerdiş. Dima ra, goreyê ercnayîşê jurî, xelatê nuştoxan û zerrîwazê edebîyatî yê serkewteyan rê ameyî dayîş.

	&nbsp;

	Çalakî verê deyîranê Koma Muzîkî ya Cinîyanê Sendîkayê Perwerdeyî yê Amedî dewam kerd û peynî bî.

	&nbsp;

	&nbsp;

	&nbsp;

	&nbsp;