
Rûbarok de bi destê qorîcîyan darî yenê birnayîş

2026-06-02 14:45:52


	&nbsp;

	COLEMÊRG - Dewa Xoşnavî ya Rubarokî de, bi sebebê xebatanê madenan, hetê qorîcîyanê dewe ra birnayîşê daran dest pêkerd.

	&nbsp;

	Qezaya Rubarokî ya ke başûrê rojhelatê Colemêrgî de ya, bi koyê xo yê berzî, nebatê dewlemendî, gelîyan û derûdorê xozayî sey yew merkezanê ekolojîkî yê tewr muhîm ê herême vejîyena vernî. Qeza ke çar mewsiman de bi dewlemendîyanê xo yê xozayî bale ancena, nika dewa xo Xoşnavî de bi sebebê xebatanê madenan, hetê qorîcîyanê dewe ra darî yenê birnayîş.

	&nbsp;

	Heta nika bi seyan darî ameyî birnayîş. Herêma daristanî ke darê bêrûyê seserran uca de yenê birnayîş, yena wêrankerdiş. Darê ke yenê birnayîş bi hetkarîya qorîcîyan yenê arêkerdiş û neqlê cayê baregehê leşkerîyan kenê. Dîmenê ke herême de ameyî tomarkerdiş nîşan danê ke darî wareyêk hîra de yenê birnayîş û zirar danê derûdorê xozayî.

	&nbsp;

	Heta nika hetê selahîyetdaranê girêdayeyî ra derheqê na mesela de tu eşkerayîyêka fermî nêameye dayîş.

	&nbsp;

	&nbsp;

	&nbsp;

	&nbsp;