Sûrîye de aşmêk de 15 cinî dinyaya xo bedelnayî

2026-06-01 12:38:39


	 

	MERKEZÊ XEBERAN - SOHRyî neql kerd ke aşma gulane de seranserê Sûrîye de 287 kesî merdî, mîyanê înan de 15 cinîyê ke hedîseyê şîdetê cîyayan ra merdê, est ê.

	 

	Merkezê Çimdarîya Heqê Merdiman ê Sûrîye (SOHR) raporê xo yê derheqê aşma gulana 2026ine de, neql kerd ke herêmanê cîyayê welatî de bi pêroyî 287 kesî merdî. Goreyê raporî, mîyanê nê de 15 cinîyî est ê.

	 

	Goreyê dayeyê SOHRî, merdişê cinîyan netîceya hedîseyanê cîyayan ê şîdetî de pê ameyî. Yew cinîye pêrodayîşanê zereyî yê herêmanê ke binê kontrolê îdarekardişê demkî yê Sûrîye de yê de merde, yew cinîya bîne bi guleyê bêserûber, yewe bîne zî hedîsanê cîyayan de merde û yew cinîye zî bi hawayêk biguman merde.

	 

	Rapor de dîyar bî ke yew cinîye înfazanê mezhebî de ameye qetilkerdiş, 5 cinî cînayetanê ke herêmanê ke binê kontrolê îdarekardişê demkî de yê merdî û herêmanê bînan de yewe cinîya bîne zî bi hawayêk cîya ameye qetilkerdiş. Yew cinîye netîceya teqîyayîşî de merde û cenazeya 4 cinîyan gorê komî de ameye vînayîş.

	 

	Şîdet û problemê asayîşî dewam kenê

	 

	SOHRî va ke no tablo problemanê asayîşî yê dewam ê welatî, bîyayîşê grubê çekdar û vilabîyayîşê çekan eşkera keno. Rapor de dîyar bî ke teqemenî û berardişanê cebilxaneyî yê ke semedê şerî mendî hema zî semedê sivîlan tehlukeyê cidî yê.

	 

	Rapor de neql bî ke cinî û tutî mîyanê grubê ke tewr zaf şer û lawazîyanê asayîşî tesîr benê de yê û nêbîyayîşê çareserîyêk sîyasî yew faktoranê esasî yo ke zêdebîyayîşê merdişî yo.

	 

	Veng da cimatê mîyanneteweyî

	 

	Merkezê Çimdarîya Heqê Merdiman ê Sûrîye (SOHR) veng da cimatê mîyanneteweyî û dîyar kerd ke ganî semedê ke sivîlê Sûrîye bêrê pawitiş, şîdet peynî bibo û kesê ke binpaykerdişanê heqê merdiman ra berpirsîyarê hesab bidê, gamê bi tewr tesîr bêrê eştiş.