
Koma 6ine ya Efrînî ver bi wareyê xo kewte rayîr

2026-05-21 11:26:11


	&nbsp;

	MERKEZÊ XEBERAN - Komêka bîn a koçberanê Efrînî yê herêma Cizîrî, şefeqê serê sibayî ver bi wareyê xo Efrînî kewtî rayîr.

	&nbsp;

	Efrînijê ke semedê îşxalkerdişî 9 serrî yo koçber bîyê, koma 6ine herêma Cizîrî ra kewte rayîr.

	&nbsp;

	Efrînijê ke bajarê Qamişlo û Amûdê de bi ca bibî û nêzdîyê wextêk bi amadekaryayîşê agêrayîşî kerdêne, şewa 20ê Gulane de Stadyûmê Şehîdê 12ê Adare yê bajarê Qamişloyî de ameyî pêser.

	&nbsp;

	Koçberê Efrînî ver bi destê sibayî zî bi karwanêk verê xo dayî Çerxerayîrê Yûsif Gulo û uca ra kewtî rayîr.

	&nbsp;

	Her wina goreyê agahîyan komêke bîn a bi hezaran kesî pê yena, xo seba agêrayîşî amade kena.

	&nbsp;

	Yew madeyê peymana 29ê Çeleyî ya mîyanê QSD û hukmatê demkî yê Sûrîye de agêrayîşê koçberanê seba wareyê xo yo.

	&nbsp;

	Verê na kome herêmanê Cizîrî û Kobanê ra 5 komê bînê yê koçberanê Efrînî agêrayî wareyê xo.

	&nbsp;

	Tewr peyên 19ê Gulane de koma yewine ya koçberanê Efrînî yê ke Kobanê de bîyî û 623 keyeyan ra pê ameyîne, resayî bajarê Efrînî.

	&nbsp;

	&nbsp;