
Semedê Gulistan Doku û cinîyanê vînîbîyayeyan rayîrşîyayîş ame organîzekerdiş

2026-04-24 15:31:23


	&nbsp;

	DÊRSIM - Rayîrşîyayîşê semedê Gulistan Doku û cinîyanê bînan ê ke ameyî qetilkerdiş de, ame vatiş: “Eke ewro rastî semedê Gulistan Doku yena eşkerakerdiş, do semedê Rojwelat Kizmaz, Rojin Kabaîş û Esma Kiliçaslan zî bêro eşkerakerdiş.”

	&nbsp;

	Platformê Şubeyanê Dêrsimî yê Konfederasyonê Sendîkayê Xebatkaranê Pêroyî (KESK) semedê yadkerdişê Gulistan Doku û cinîyanê bînan ê ke ameyî qetilkerdiş rayîrşîyayîşêk organîze kerd. Şarî semedê rayîrşîyayîşî Kuçeyê Sanatî de kom bîyî. Girseyî pankartê “Ma do tu kesêk bîn vîndî nêkerê; wa rastî eşkera bibo. Wa sucdarî bêrê muhakemekerdiş” berz kerdî û ver bi Meydanê Seyîd Rizayî rayîr ra şîyî. Temamê rayîrşîyayîşî de sloganê sey “Cînayetê cinîyan sîyasî yo”, “Dêrsim, bêveng mebe, Gulistane xo vîr ra meke” û “Edalet semedê Gulistane” ameyî berzkerdiş.

	&nbsp;

	Dimayê rayîrşîyayîşî, hemsereka şubeyê SESî ya Dêrsimî Serap Kahraman qisey kerd û dîyar kerd ke pêwa ke demêk derg vîyart zî edalet nêame caardiş û dewaya Gulistan Doku bîya sembolê tehdîdanê sîstematîkî yê hemverê heqê cuye yê cinîyan, asayîşê ciwanan.

	&nbsp;

	Eşkerayî bi panc deqeyê çalakîya roniştişî peynî bî.

	&nbsp;