Sêrt de vengdayîşê rayîrşîyayîşî yê semedê komployî 

2025-10-08 15:09:21


	 

	SÊRT - Platformê Sazgehê Demokratîke yê Sêrtî veng da raya pêroyî ke serrgêra Komployê 9ê Teşrîna Verênê de semedê azadîya Abdullah Ocalanî rayîrşîyayîşêk viraznê.

	 

	Platformê Sazgehê Demokratîke va ke rayîrşîyayîşo ke siba (9ê teşrîna verênê) do bêro viraştiş, verê awanîya Rêxistina Bajarê Sêrtî ya DEM Partî dest pêkeno û bi eşkerayîyêke çapemenî ya cadeyê Mado de peynî beno.

	 

	Vengdayîşê rayîrşîyayîşî

	 

	Platformî eşkerayî de veng da temamê welatijanê Sêrtî ke serrgêra Komployê 9ê Teşrîna Verêne protesto bikerê. Eşkerayî de ame dîyarkerdiş ke azadîya Abdullah Ocalanî semedê averşîyayîşê saxlem yê prosesê aştîye muhîm a. Platformî venga girseyî da ke tewrê rayîrşîyayîşî bibê û va, “Çareserîyêk bêOcalanî mumkin nîya; aştî tena bi azadîya Ocalanî eşkena bêro bidestkerdiş.”