'Azadîya Abdullah Ocalanî îmtîhanê huqûqî yê Tirkîya yo' 2025-10-08 11:37:29   Melek Avci   ANQARA - Temsîlkara IPPNWî Gîsela Penteker derheqê serrgêra komployî de qisey kerd û va: “Azadîya Abdullah Ocalanî semedê çareserîya aştîyane ya meseleya kurdî û demokrasîya Tirkîya zaf muhîm a.”   Rayberê Şarê Kurdî Abdullah Ocalan, 9ê teşrîna verênê ya 1998ine de bi komployê mîyanneteweyî Sûrîye ra ame vetiş û ser ra 27 serrî derbas bî. Abdullah Ocalanî dimayê ke Sûrîye ra ame vetiş 15ê Sibata 1999ine de bi hemkariya mîyanneteweyî teyaregehê Naîrobîyî ame remnayîş.    Abdullah Ocalanî 16ê Sibate de ardî Tirkîya û 26 serrî Îmralîyî de binê tecrîdî de yo. Bi diyalogê aştî û çareserîya Tirkîyayî dir no tecrîd kismî bo zî ame wedaritiş la waştişê heqê pêvînayîşî û heqê hêvîye yeno pawitiş.   Semedê azadîya Abdullah Ocalanî Serekê Komîteya Wezîran ê Konseya Ewropayî (KWKE) Xavîer Bettelî mektube ame nuştiş û yew kesa ke îmza da mektube Temsîlkara Tirkîya ya Hekîmanê Mîyanneteweyî ya Semedê Vernîgirewtişê Şerê Nukleerî (IPPNW) Gîsela Penteker bî. Gîsela Penteker derheqê Komployê mîyaneteweyî yê 9ê Teşrîna Verênê de qisey kerd.   ‘Hedef têkoşînê azadîye yo’   Gîsela Penteker va ke bi komployê mîyanneteweyî ke ame kerdiş têkoşînê azadîya şarê kurdî hedef girewtî û va: “Binê agahdarîya Ewropa û Emerîkayî de komployê mîyanneteweyî ame kerdiş. Goreyê mi hedef têkoşînê azadîya şarê kurdî bi.”   ‘Hukmat rîskê ke Erdogan do hêrs bibo nêgîno xo ser’   Gîsela Penteker va ke demokrasîyê rojawanî ke retorîkê ‘heqê merdiman’ dewam keno, mesela tecrîdê giranî yê Îmralîyî de bêveng maneno û wina va: “Rolê Tirkîya wareyê mîyanneteweyî de înan rê hende muhîm o ke rîskê ke Erdogan hêrs bibo nêwazenê bigîrê xo ser.”   ‘Fehmê Ocalanî eşkenê vurnayîşêk pozîtîf bikerê’   Gîsela Penteker wina va: “Ez fehmê Abdullah Ocalanî verê cû serranê 90î ra şinasnena. Mi dî ke paradîgmaya ey ya komela demokratîkî Bakurê Kurdistanî senî vurnaya. Fehmê ey semedê komelê aştîyane eşkenê bibê îlham. Gehçê Ocalanî eşkenê vurnayîşêk pozîtîf Rojhelatê Mîyanênî de bikerê. Torê piştgîrîya mîyanneteweyî yê bi têkoşînê azadîya şarê Kurdî dir hin waranê dinya qels vînenê. Zextê dîplomatîk tu wareyî de qîm nêkeno. Serekkomarê Tirkîya goreyê xo eşkeno hereket bikero.”   Îmtîhanê Tirkîya yê azadîya Abdullah Ocalanî   Gîsela Penteker va ke azadîya Abdullah Ocalanî prosesê çareserîya demokratîke ya Tirkîya de nûqteyêk muhîm a û wina va: “Azadîya Abdullah Ocalanî semedê çareserîya aştîyane ya meseleya kurdî û demokrasîya Tirkîya zaf muhîm a. Wexto ke ma tecrîdê 26 serran verê çiman de bigîrê, huqûqê mîyanneteweyî îmtîhanêk cidî dayo. Huqûqê mîyanneteweyî vejeno werte ke binpaykerdişê heqê Ocalanî mesela ke cidî bêro girewtiş nîyo. Goreyê mi mekanîzmayê heqê merdiman ê Ewropa na mesela baş nêgîna dest.”