
Qeydkerdişê kursê resiman ê bêpere dest pêkerd 

2025-10-06 15:34:13


	&nbsp;

	AMED - Şaredarîya Amedî ya Şaristanê Girdî, bi dirûşmeyê “Qabilîyeta xo biresne hunerî” seba cinîyan kursê resimî yê bêpere akena.

	&nbsp;

	Serekîya Daîreya Xizmetanê Cinî û Keyeyî, seba ke cinî qabilîyetê xo yê hunerî kifş bikerê, qeydê kursê resimî yê bêpere da destpêkerdene.

	&nbsp;

	Tarîxê muracatan o peyên 15ê teşrîna verên o. Qeydî Merkezanê Cuya Cinîyan ê Quça, Koşuyolu, Lalebey, Yenîkoy û Ben û Sen ra, yan zî Merkezê Piştîdayîşê DÎKASUMî ra yenê kerdene.

	&nbsp;

	Serekîya Daîreya Xizmetanê Cinî û Keyeyî, bi na xebate wazena hem eleqeyê beşdaran ê hunerî rê piştî bido, hem zî warêko têkilîya komelkî û kulturî pêşkêş bikero.

	&nbsp;