
Tepişteya sîyasî Pexşan Ezîzî ra mesaj 

2025-10-04 13:44:00


	&nbsp;

	MERKEZÊ XEBERAN - Tepişteya sîyasîya kurde Pexşan Ezîzî ke Zîndanê Qerçekî de tepişte ya, va ke şarê Rojhelatê Mîyanênî hetê polîtîkayanê DYEyî û hevalbendê înan ra zordarî de yê.

	&nbsp;

	Tepişteya sîyasîya kurde Pexşan Ezîzî ke cezaya dardekerdişî ra tepişte ya, Zîndanê Qerçekî mesajêk bi veng şirawit. Pexşan Ezîzî Wezîrê Teberî yê Emerîkayî ke verê çend rojan derheqê aye de eşkerayî da û va ke lazim o bêro veradayîş, rexne kerd û va ke eke DYEyî bi rastî bi heqê merdiman girêdaye yo, êdî lazim o wextê vatişan temam bikero, fek şer, hêriş û qirkerdişan vera bido û gamê pratîkî bierzo.

	&nbsp;

	Pexşan Ezîzî dîyar kerd ke a endamêke asayî ya komelî ya û xebatê aye xebatê komelî yê û va: “Mi qet rolêk hukmat yan sazgehê sîyasî de canêgirewto û nêwazena zî. Şarê Rojhelatê Mîyanênî zordarîya ekonomî û komelî de ciwîyenê ke polîtîkayanê xelet û hegemonîk ê DYEyî û dewletê hevalbendê ey virazîyayo. Na rewşe nimûneyêk serra mêtingerî û zordarîye ya.”

	&nbsp;

	Pexşan Ezîzî eşkerayîye xo de waştişê temamkerdişê şerî, hêriş û qirkerdişê herêmî, piştgîrîya zelalî semedê merdimanê bêguna û temamkerdişê cezayanê bi serran kerd. Pexşan Ezîzî va ke na ceza azadî û cuya merdimanî peyser kena û sînordar kena.

	&nbsp;

	Pexşan Ezîzî va ke eşkerayîyê Emerîkayî tenê sey nîşaneyê dilovanî û rêzgirewtişê heqê merdimanî biname kerd û va: “Merdim û çalakîkerê komelî girêdayê dewlete nîyê û kayê sîyasî de rolê înan çin o. Nê semedî ra lazim o zirar nêvînê.”

	&nbsp;

	Pexşan Ezîzî bale ant ser zordarîya ekonomî û komelî ke polîtîkayanê DYEyî û dewletê hevalbendê ey virazênê &nbsp;û na rewşe sey nimûneyê mêtingerî û zordarîya demdergî ercna û waştişê aştî, pêkerdiş, edalet û rûmetê merdiman semedê her kesî kerd.

	&nbsp;