
Rayîrwanê azadîye: Do têkoşînê ma dewam bikero

2025-10-03 14:47:24


	&nbsp;

	
		Pelşîn Çetînkaya - Gulistan Gulmuş&nbsp;
	
		&nbsp;


	RIHA - Cinîyê ke tewrê rayîrşîyayîşê “Ma bi hêvîye ver bi azadîye rayîr ra şinê” bîyî ke hetê TJA’yî ra semedê azadîya fîzîkî ya Abdullah Ocalanî dest pêkerd, vatî; do têkoşîna xo heta peynî dewam bikerê.

	&nbsp;

	Rayîrşîyayîşo ke hetê Têgêrayîşê Cinîyan a Azadan (TJA) ra Amed ra heta Anqara bi şîarê “Ma bi hêvîye ver bi azadîye şinê” semedê waştişê azadîya fîzîkî ya Rayberê Şarê Kurdî Abdullah Ocalanî dest pêkerd, roje ya hîrêne de bi coşêk girdî dewam keno. Rayîrwanê ke Xelfetî ra heta Amarayî şî, rayîr de sloganê “Silav, silav ji Îmralî re silav”, “Bijî Serok Apo” û “Jin, Jiyan, Azadî do Rayberî azad bikero” berz kerdî.

	&nbsp;

	Cinîyê ke tewrê rayîrşîyayîşî bîyî, bi rengê kesk, sûr û zerdî rayîrşîyayîşê xo xemîlnayî û ver bi keyeyê Rayberê Şarê Kurdî Abdullah Ocalanî de şî. Cinîyan derheqê rayîrşîyayîşî de hîs û fikrê xo ajansê ma JINNEWSî rê eşkera kerd û waştişê xo yê semedê azadîya Abdullah Ocalanî ardî ziwan. Cinîyan mesajê xo de bale antî serê dewamkerdişê têkoşînî.

	&nbsp;