Perwerdeyê Perwerdekaran ê Weşîye Cinîyan dest pêkerd 

2025-09-22 15:27:17


	 

	AMED - Şaredarîya Bajarê Girdî ya Amedî, semedê cinîyan "Perwerdeyê Perwerdekaran ê Weşîya Cinîyan" da destpêkerdiş.

	 

	Cinî her qonaxê cuya xo de, semedo ke bieşkê bi rol, berpirsiyarî û vurnayîşê cîya dir serederî bikerê, têkoşîn kenê. Labelê xeylêk rey cinî, vera ke biresê agahîyê qîmî, mecbûr manenê ke bi tena û bê destekdayîşî cuya xo dewam bikerê. Nê semedî ra, Midûrîya Daîreyê Xizmetê Cinî û Keyeyî, semedo ke cinî wareyê bedenê xo, weşîye û heqê xo de agahdar bibê û sey kesê wayîrê bawerîya bi xo xurtêr bibê, "Perwerdeyê Perwerdekaran ê Weşîya Cinîyan" da destpêkerdiş.

	 

	Perwerdeyê perwerdekaran ke hetê xebatkarê îdarekarîya cinîyan ê şaredarîyê merkezî û yê teberê bajarî de beşdarî yeno kerdiş, do 7 rojan dewam bikero. 22 beşdarê ke perwerdeyî temam bikerê, do komê ke cayê xo awan bikerê de, bieşkê "Bernameyê Perwerdeyî yê Weşîye Cinîyan" ke 10 modûlan pê yeno, bikerê.