
Zozananê Mûşî de cuya koçeran

2025-07-04 10:40:57


	&nbsp;

	Neslîhan Kardaş

	&nbsp;

	MÛŞ- Yew koçerê ke koçê zozananê honik yê Serhedî kerda Zeynep Tughane prosesê koçkerdişî wina qal kerd: “Reyan ma bi rayîrşîyayîş, reyan ma bi wesayîtan yenê tîya. Dima ra ma çadiranê xo danê ro û cuya xo dewam kenê.”

	&nbsp;

	Koçerê ke germbîyayîşê hewayî dir Mêrdîn ra vejîyayî, şinê zozananê honik yê Mûşî, uca 5 aşmî manenê û payîzê dir şinê Tetwan û zimistanî dir ancî agêrenê Mêrdîn. Her gamêke, her raywanîyêke deyîrêka bêveng a têkoşînê cuye ya.&nbsp;

	&nbsp;

	Xoverdayîşêk bêveng ê cuye

	&nbsp;

	Her çadirêke koçeran temamê keyeyî hewênena. A çadire heç bena mitbax, hem bena oda û hem zî bena banyo. Germbîyayîşê rîyê merdiman, zerrîya merdimî germ kena û merdim her çadirêke de xoberdayîşêk bêveng ê cuye hîs keno.

	&nbsp;

	Zeynep Tughan yew koçerê ke koçê Mûşî kerde ya. Zeynep Tughan derheqê zor û zehmetîyê cuya xo de qisey kerd.

	&nbsp;

	Reyan bi rayîrşîyayîş reyan zî wesayîtan kewenê rayîr

	&nbsp;

	Zeynep Tughan dîyar kerd ke zimistanî saete saet 04.00 de wurzenê û va: “Ma serê sibayî wurzenê pesî axuran ra vejenê. Dima ra şiwanî pesê ma seçedê çêrnayîşî benê. Heta şan de çêrenê û şan de anê keye. Germbîyayîşê hewayî dir ma Mêrdîn ra yenê tîya. Reyan ma bi rayîrşîyayîş yenê tîya. Reyan zî ma bi wesayîtan yenê. Ma yenê tîya û çadiranê xo danê ro.”

	&nbsp;

	Zozanan de roje rew dest pêkena

	&nbsp;

	Zeynep Tughan dîyar kerd ke zozanan de serê sibayî rew wurzenê û wina va: “Ma tîya zî serê sibayî saete 4ine de wurzenê. Ma pes ancenê û şitî danê adir ser. Dima ra ma arayî amade kenê û werdê şiwanî amade kenê. Wexto ke ma yenê tîya, hewteyêk rayîr de manenê. Ma tîya aşmane 150 hezarî danê şiwan.”

	&nbsp;

	Şit û penîr roşenê

	&nbsp;

	Zeynep Tughan dîyar kerd ke dimayê 5 aşman, ancî agêrenê wareyê xo û va: “Ma şit û penîrî xo roşenê. Bi vayîyêka kêmî ma ra gênê û vay roşenê. Payîze ma şinê Tetwan û di aşmî uca de manenê. Dima ra ma agêrenê.”

	&nbsp;

	Zeynep Tughan dîyar kerd ke şert û mercê koçeran zehmet ê û wina va: “Karê ma zehmet o. Ma serê sibayî wurzenê. Karê tîya zaf zehmet o. Yanî cuyêka koçeran çin a. Hîn keyeyê koçeran heywananê xo roşenê.”

	&nbsp;