Semedê yadkerdişê Cîhan Bîlgîne û Nazim Daştanî klîbêk

2025-05-26 14:42:51


	 

	MERKEZÊ XEBERAN - Semedê yadkerdişê rojnamegere Cîhan Bîlgîn û Nazim Daştan klîbê bi nameyê “Oxir be” ame weşanayîş.

	 

	Têgêrayîşê Kultur û Hunera Demokratîke ya Mezopotamyaye (TEV-ÇAND) semedê yadkerdişê mûxabîra ajansê ANHA’yî Cîhan Bîlgîn û rojnameger Nazim Daştan klîbêk bi nameyê “Oxir be” viraşt.

	 

	Vatişê deyîre hetê hunermend Varon Candemir ra ame nuştiş û klîb hetê ci ra ame amadekerdiş. Klîb Hunergeha Şehîd Zanîn ame tomarkerdiş û montajê ci hetê Welat Seîdî ra ame kerdiş.

	 

	Berardeyê “Oxir be” bale anceno têkoşînê şarê kurdî yê hemverê dewleta tirkan ser. Eynî wextî de muhîmîyê dewamkerdişê têkoşîn û yewrêzîyê kurdî yeno dîyarkerdiş.

	 

	Şima eşkenê bi rayîrê nê lînkî klîb temaşe û goşdarî bikerê.