Tutêk aye dinyaya xo bedelneno, yew tepişte û yew zî surgun o 

2025-05-09 10:33:59


	 

	RIHA - Dayîka Aştîye Saadet Cîn, lajêk aye tewrê PKK’yî beno û dinyaya xo bedelneno. Lajêk aye zî cezaya muebetî ci rê yeno birnayîş û yew zî yeno surgunkerdiş. Pêwa pêro zextan Saadet Cîn bi vatişê "xoverdayîş cuye yo" têkoşîn kena.

	 

	Kurdistan de bi seseran o hemverê kurdan polîtîkayê teda û îmhayî yena kerdiş. Hemverê nê polîtîkayan de cinîyê kurdî bi têkoşînê rêxistinkerde cewab danê. Yew nînan ra zî dayîka aştîye Saadet Cîn a.

	 

	Saadet Cîn Wêranşarê Rihayî de yena dinya û bi metodê berdelî yena zewicnayîş. 6 tutê Saadete virazênê. Saadet Cîn wina vana: “Lajê mi Mazlum tewrê PKK’yî bi, 7 serrî dima şehîd kewt. Bahoz zî  2015’ine de ame tepiştiş û cezaya muebetî ey rê amî birnayîş. Tutêk mi zî semedo ke nêame tayînkerdiş û şi Almanya.”

	 

	Mi fek têkoşînî ra vera nêda

	 

	Saadet Cîn wina dewam kerd: “Semedê debare ma zîyan de şuxilênê. Ma şinê Meletî û mişmişan arê danê, dimayê nê şinê Ordu û firingiyan arê danê. Mi bi nê karî tutanê xo pîl kerd. Di rey kezebe ra emelîyat bîya. La mi fek têkoşînî ra vera nêda."

	 

	‘Xoverdayîş ciwîyayîş o’

	 

	Saadet Cîn wina dewam kerd: “Lajê mi Bahoz Cîn zîndanê Rihayî ra surgunê zîndanê Tîpa Tyê Osmanîye kerd. Rayîr derg o. Ez nêeşkena şêrî.  Aşmêk ra di aşmî ra reyke eşkena şêrî. Serra vîyarte îşkenceyê giran ci rê kerdî. Lajê mi nêweşê gurçikî yo. Rewşa ey her ke şina xira bena. Hîrê aşman reyke bîn benê nêweşxane. Her rey bi kelepçe benê. Wexto ke nê qebûl nêkeno zî dermankerdişî yenê astengkerdiş. Her reyke şinê pêvînayîş vano, ‘dayê xoverdayîş ciwîyayîş o’.”

	 

	Saadet Cîn wexto qalê lajê xo Mazlum Cîn kerd hêsirî varnayî û va: “Lajê mi tewrê PKK’yî bî, 7 serrî dima ame şehîdkerdiş. Lajê mi lehengêk pîl bi. Mazlum kesêk bi hêz bî. Dewlete lajê mi bi kîmyasal qetil kerdî.”