
Heyetê DEM Partî semedê pêvînayîşî ver bi Îmraliyî kewt rayîr 

2025-04-21 11:12:46


	&nbsp;

	&nbsp;

	MERKEZÊ XEBERAN - Pervîn Buldan û Faîk Ozgur Erol ke Heyetê Îmraliyî de ca gênê, seba ke Rayberê Şarê Kurdî Abdullah Ocalanî reyde pêvînayîş bikerê, ver bi Îmraliyî kewtî rayîr.

	&nbsp;

	Endamê Heyetê Îmraliyî yê Partîya Têduştî û Demokrasîyî ya Şaran (DEM Partî) Pervîn Buldan û avûkatê Buroyê Huqûqî yê Seserrî Faîk Ozgur Erol seba ke Rayberê Şarê Kurdî Abdullah Ocalanî reyde pêvînayîş bikerê ver bi Girawa Îmraliyî kewtî rayîr.

	&nbsp;

	Rayberê Şarê Kurdî Abdullah Ocalan û Omer Hayrî Konar, Hamîlî Yildirim û Veysî Aktaş Hepisxaneyê Tîpa F ê Ewlekarîya Berze ya Îmraliyî de yenê girewtene. Xeylê serrî yê ke pêvînayîşê Abdullah Ocalan û 3 girewteyanê bînan bi keye û avûkatanê înan yenê astengkerdene.

	&nbsp;

	Abdullah Ocalan 44 aşman ra pey 23ê teşrîna verêne ya 2024î de çarçewaya pêvînayîşê keyeyî de birazayê xo parlamenterê DEM Partî Omer Ocalanî reyde pêvînayîş kerd.

	&nbsp;

	Dima zî îzîn ame dayene ke Heyetê DEM Partî yê Îmraliyî şêro Îmrali. Heyetê DEM Partî 28ê kanûna 2024, 22ê çeleya 2025 û 27ê sibate ya 2025î de bi pêroyî 3 reyî şîyê Îmrali. Pêvînayîşo ewilînî de Sirri Sureyya Onder û Pervîn Buldan ca girewt.

	&nbsp;

	Pêvînayîşo hîrêyinî de Pervîn Buldan û Sirri Sureyya Onder reye Hemserekê Pêroyî yê DEM Partî Tulay Hatîmogullari û Tuncer Bakirhan, avûkatanê Buroyê Hiqûqî yê Seserrî ra Cengîz Çîçek û Faîk Ozgur Erol û sîyasetmedar Ahmet Turkî zî ca girewt. Girewteyê bînî yê Îmraliyî Omer Hayrî Konar, Hamîlî Yildirim û Veysî Aktaş zî tewrê pêvînayîşî bîyê.

	&nbsp;

	Abdullah Ocalan û girewteyê bînî çarçewaya îznê Roşanê Remezanî de 31ê adare de merdimanê xo reyde pêvînayîş kerd. Birayê Abdullah Ocalan Mehmet Ocalan û birazayê ey Omer Ocalan, birayê Omer Hayrî Konar Alî KOnar, birayê Hamîlî Yildirim Polat Yildirim û waya Veysî Aktaşî Sabîha Aslan tewrê pêvînayîşî bîyê.

	&nbsp;

	Endamanê Heyetê DEM Partî yê Îmraliyî Sirri Sureyya Onder û Pervîn Buldan çarçewaya prosesî de 10ê nîsane de bi Serekkomar Recep Tayyîp Erdoganî reyde pêvînayîş kerd.

	&nbsp;

	Ameyêne zanayene ke endamê heyetî pêvînayîşî ra pey do şêrê Îmraliyî. La endamanê heyetî ra Sirri Sureyya Onder 15ê nîsane de krîzê qelbî vîyarna. Onder hema zî Stenbol de Nêweşxaneyê Florence Nightingaleyî de beşo pawitişê awarte de yeno tedawîkerdene.

	&nbsp;