‘Piştî vê pêngavê êdî tu hincetên Tirkiyeyê neman’  

2025-10-27 10:14:47


	 

	Elfazî Toral

	 

	STENBOL - Jinên ku li ser biryara vekişîna Tevgera Azadiyê ya Kurd nirxandin kirin gotin, "Pitî ve pêngavê ji ku dewleta tirk di warê hiqûqî de gavê neavêje tu hinceta wê nema ye."

	 

	Rêveberiya Tevgera Azadiya Kurd ragihand ku bi erêkirina Rêberê Gelê Kurd Abdullah Ocalan, wan dest bi vekişandina hemû hêzên xwe ji Tirkiyeyê kirine. Di daxuyaniya ku duh li Qendîlê hat dayîn, hat gotin ku li gorî biryarên Kongreya 12'emîn a PKKê, Hêzên Parastina Gel (HPG) û Yekîneyên Jinên Azad-Star (YJA-Star) dest bi vekişandina ber bi "Herêmên Parastina Medyayê" kirine.

	 

	Hevseroka Komeleyên Elewiyên Demokratîk (DAD) Kadriye Dogan û aktîvîsta Tevgera Jinên Azad (TJA) Xecê Başkalane, li ser vê gava Tevgera Azadiya Kurd nirxandin kirin.

	 

	Hevseroka Komeleyên Elewiyên Demokratîk (DAD) Kadriye Dogan, banga Aştî û Civaka Demokratîk bi bîr xist û diyar kir ku bi vê bangê re li Tirkiyeyê pêşketinên nû derketine holê. Kadriye Dogan diyar kir ku Tevgera Azadiya Kurd di vê pêvajoyê de gavên bi niyeta pak avêtine û got, "Bi banga ku di 27ê Sibatê de hat kirin, PKK xwe fesih kir. Paşê, komek gerîla çekên wan şewitandin. Tevgera Azadiya Kurd bi vê pêngavê re dilsoziya xwe nîşan da. Ligel van hemû hewldanan dema ku em li aliyê dewletê dinêrin, mixabin me ji bilî komîsyona ku li Parlamentoyê hatiye avakirin, tu gavên cidî an gavên qanûnî nedîtin ji bo çareseriyê. Em hîn jî bi helwestek berdewam re rû bi rû ne ku hêzên Rojava wekî hincet bikar tîne û rewşê dirêj dike. Ew behsa entegrasyonê dikin. Çawa ev entegrasyon tê dîtin pir girîng e. Her çiqas aliyê Kurd dixwaze ev aştîyek erênî be li ser bingeha wekhevî, azadî û mafên destûrî, lê dewlet perspektîfek bi tevahî cûda nêzî vê yekê dibe. Dewlet dibêje, 'Çekên xwe deynin û çend mafên takekesî qebûl bikin.' Dilsoziya dewletê di vê mijarê de gumanbar e. Tevgera Azadiyê gavan diavêje. Ew israr dike ku gavên dilsoz ji bo aştî û azadiyê bên avêtin."

	 

	'Gaveke Dîrokî ye'

	 

	Kadriye Dogan, bi bîr xist ku serokatiya Tevgera Azadiya Kurd li Qendîlê gaveke din a dîrokî di derbarê Pêvajoya Aştî û Civaka Demokratîk de avêtiye û got, "Em samîmiyeta wan dibînin. Lêbelê, em dibînin ku Tirkiyeyê gavên li gorî gavên ku tevgera Kurd di derbarê garantiyên qanûnî de avêtine neavêtiye. Em hêvî dikin ku mafê hêviyê bê dayînji ber ku helwesta Birêz Ocalan ji bo rêvebirina danûstandinan girîng e. Hem cîhan û hem jî Tirkiye ji vê yekê haydar in Em hêvî dikin ku danûstandin di şert û mercên azadtir de bi awayekî zelal û eşkere werin kirin û bibin sedema çareseriyek ku mafên her kesî nas bike. Em jî piştgiriyê didin banga Aştî û Civaka Demokratîk û vê pêvajoyê. Xebata me ber bi vê yekê ve ye. Em di serdemekê re derbas dibin ku tê de hemû beşên civakê têne mexdûrkirin. Em şahidiya qetilkirina jin û xwezayê dikin."

	 

	Yekîtî, Hevgirtin û Çareserî

	 

	Aktîvîsta Tevgera Jinên Azad (TJA) Xecê Başkalane diyar kir ku "Tevgera Azadiyê careke din bi gaveke bêhempa, bi pêşengiya Rêber Apo, destwerdanê li pêvajoyê  dike û wiha dirêjî dayê, "Gava duyemîn a Tevgera Azadiyê bandorek kûr li ser atmosfera siyasî ya navxweyî ya Tirkiyeyê, Rojhilata Navîn û cîhanê kiriye. Ev demeke, di nîqaş û pêşketinên têkildarî pêvajoyê de hêdîbûnek heye.  Rêber Apo aktorek e ku vê yekê ji nêz ve dişopîne û di her qonaxek krîtîk de bi alternatîfek çareseriyek bêhempa destwerdanê dike. Wekî ku wî di her qonaxa salê de kiriye, wî gavek pêşxistiye da ku deriyê diyalog û çareseriyê bi helwestek mayîndetir û biryardartir ji nû ve veke. Ev gav yekîtî, hevgirtin û biryardariya bêdawî ya ku hem ji hêla Rêber Apo û hem jî ji hêla tevgera wî ve hatî nîşandan eşkere dike."

	 

	'Rêya bi têkoşînê ferzkirina çareseriyê di rastiya têkoşîn jinê re derbas dibe'

	 

	Xecê Başkalane wiha dawî li axaftina xwe anî: "Vekişîna gerîlayên azadiyê ji Bakur di destpêkê de atmosferek pir hestiyar afirand. Lêbelê, di dawiyê de, di bin rêberiya Rêber Apo de û ji bo azadî û rizgariya gelê Kurd û hemû gelên li herêmê gavek hate avêtin. Vê gavê barê me jinan, wekî hêza bingehîn a avakirinê, zêde kiriye û li me ferz dike ku em seferberiyek hestiyartir û rêxistinîtir bikin. Di vî warî de, rojeva sereke ya me jinan dê ew be ku hişmendî, ruh, hest û çanda nû ya jiyanê ya ku nîv sedsalek şervanên azadiyê di rastiya gelê me de afirandine, bi karanîna nêzîkatiyên afirîner ên nû, li ser bingeha stratejiya têkoşînê ya wê demê: têkoşîna siyasî, bigihînin serkeftinê."