
Konferansa Yekitiya Jinên Başûrê Kurdistanê hat taloqkirin


2025-09-29 18:52:54


	&nbsp;

	NAVENDA NÛÇEYAN - Konferansa Yekitiya Jinên Başûrê Kurdistanê ku biryar bû di çarçoveya amadekariyên Sêyemîn Konferansa Neteweyî ya Jinên Kurd de, roja 4’ê Cotmehê li Silêmaniyê ê bihata lidarxistin, hate paşxistin.

	&nbsp;

	Biryar bû di çarçoveya amadekariyên Sêyemîn Konferansa Neteweyî ya Jinên Kurd de, roja 4’ê Cotmehê li Silêmaniyê Konferansa Yekitiya Jinên Başûrê Kurdistanê bihata lidarxistin.

	&nbsp;

	Lê bi daxuyaniyekê hate ragihandin ku ji ber salvegera wefata Celal Talebanî ku sê rojan wê dewam bike û nêzbûna propagandaya hilbijartina Parlamentoya Iraqê, konferans ji bo demek nediyar hate paşxistin.

	&nbsp;

	Platforma Yekitiya Netewî ya Jinên Kurd roja 27’ê Îlonê li Silêmaniyê ji bo giftûgokirina li ser amadekariyên Sêyemîn Konferansa Neteweyî ya Jinên Kurd, civiyabûn.

	&nbsp;

	Hêjayî bibîrxistinê ye Yekemîn Konferansa Neteweyî ya Jinên Kurd di sala 2010’an de li Ameda Bakurê Kurdistanê û konferansa duyemîn jî di sala 2012’an de li Hewlêrê hatibû lidarxistin. Tê gotin, dibe ku konferansa sêyemîn li bajarê Silêmaniyê were lidarxistin.

	&nbsp;