
Îdayên derbarê ‘Çeteya Fiksator’ de hîna nehatine ronîkirin 

2025-02-19 09:02:27


	&nbsp;

	&nbsp;&nbsp;

	&nbsp;

	Pelşîn Çetînkaya

	&nbsp;

	AMED – &nbsp;Li Nexweşxaneya Dewletê ya Selahattîn Eyyubî piştî ku hatibû îdakirin hinek doktoran bi firoşkarên berhemên medîkal re li hev kirine û alav firotine hinek nexweşan û bêyî sedem nexweş emeliyat kirine, hatibû diyarkirin ku mufetiş dê lêkolînê bikin. Lê derbarê lêkolînê de tu agahî nehatin bidestxistin û hat diyarkirin Odeya Tabîban jî derbarê bijîşkan de lêpirsîn daye destpêkirin.

	&nbsp;

	Di mehên borî de li nexweşxaneya Dewletê ya Selahattîn Eyyubî ya li navçeya Yenîşehîr a Amedê bijîşkê bi navê Yunus Turk yê di beşa ortopediyê de dixebite îdia kiribû ku, li &nbsp;heman beşa nexweşxanê bijîşkên bi navê Îbrahîm Ulusoy û Ferît Bogatekîn bi kesên medîkalfroş &nbsp;re li hev kirine, nexweş bê sedem emeliyat kirine û fîksator bi wan ve kirine. Herwiha Yunus Turk da zanîn ku van doktoran bi zanebûn bi medîkalfroşan re li hev kiriye û berhemên wan girtine û bi vê qezenc bidest xistine.

	&nbsp;

	Derbarê herdu aliyan de jî doz hat vekirin

	&nbsp;

	Piştî bûyer hat bihistin mufetîş li nexweşxaneyê hatin peywirdarkirin û hat diyarkirin ku dest bi lêpirsînê kirine. Beriya vê jî me xwe gîhandibû &nbsp;serbijîşkê nexwşexaneyê û diyar kiribû ku mufetişna li nexweşxaneyê dest bi lêpirsînê kirine. Berî bi çend rojan me careke din xwest bi serbijîşkê nexweşxaneyê re hevdîtinê bikin lê daxwaza me bê bersiv ma. &nbsp;Yekîneya çapemeniyê ya nexweşxaneyê jî diyar kir ku mufetiş di çarçoveya lêpirsînê de hefteyekê li nexweşxaneyê mane û piştre jî çûne Enqerê.&nbsp;

	&nbsp;

	Derbarê mijarê de hat diyarkirin ku Odeya Tabîban a Amedê derbarê bijîşkan de lêpirsîn daye destpêkirin. Odeya Tabîban ku diyarkirin lêpirsîn dewam dike û û diyar kir ku piştî derketina holê wa bûyerê êdî medîkalfiroşan nagirin emelyatxaneyan.

	&nbsp;