Meşa li Strasbourgê dest pê kir 

2025-02-15 15:24:20


	 

	  

	 

	NAVENDA NÛÇEYAN - Ji bo protestokirina Komploya Navneteweyî ya li hemberî Rêberê PKK'ê Abdullah Ocalan û ji bo azadiya wî ya fîzîkî, ji gelek navendên Ewropayê bi deh hezaran kes hatin Strasbourgê û meşiyan.

	 

	Ji bo protestokirina Komploya Navneteweyî ya 15’ê Sibatê ya li hemberî Rêberê PKK'ê Abdullah Ocalan, Kurdistanî û dostên wan li bajarê Strasbourg ê Fransayê hatin ba hev û meşiyan.

	 

	Di meşê de pankarta ‘Ji Rêber Apo re azadî, ji pirsgirêka Kurd re çareserî’ hate vekirin. Çalakvanên meşa dirêj pêşengiyê ji gel re dikin. Her wiha li pêşiya kortejê posterê mezin ê Abdullah Ocalan hat hilgirtin.

	 

	Her wiha pankarta ‘Em bang li Ewropayê dikin: Dawî li êşkence û tecrîda 26 salan a li hemberî Abdullah Ocalan bîne’ hate vekirin.

	 

	Gel flamayên Abdullah Ocalan jî hilda û bê navber dirûşmeyên “Bijî Serok Apo", "Bê Serok jiyan nabe", "Bijî berxwedana Kobanê" û "Bijî Berxwedana Tişrînê" berz kir.

	 

	Meşa ku li Bulvara Metz destpê kirî, wê heta Parc De L’Etoile bidome.