
Ji bo Peymana Stenbolê ji Serokatiya Meclîsê re name şandin 

2024-11-25 14:33:08


	&nbsp;

	&nbsp;

	STENBOL - Şaxa ÎHD'ê ya Stenbolê ji Serokatiya Meclîsê re name şand û xwest ku Peymana Stenbolê ji nû ve were rojevê.

	&nbsp;

	Şaxa Komeleya Mafên Mirovan (ÎHD) a Stenbolê ji bo Peymana Stenbolê ji nû ve were rojevê ji PTT'ê ya Galatasarayê ji Serokatiya Meclîsê re nameyek şand.

	&nbsp;

	Polîsan diyar kir bi hinceta 25'ê Mijdarê Roja Têkoşîna li Dijî Tundiya li Ser Jinê ya Cîhanê, ji aliyê Walîtiya Stenbolê ve biryara qedexeyê hatiye dayîn û ew ê destûr nedin girseyê ku daxuyaniyê bide. Li dijî qedexeyê Hevseroka Giştî ya ÎHD'ê Eren Keskîn û endamên ÎHD'ê yên pê re bertek nîşanî vê rewşê dan. Polîsan bi biryareke keyfî, ketina postexaneyê ya rojnamegeran qedexe kir û bi darê zorê ji qadê derxistin.

	&nbsp;

	Em astengkirinê protesto dikin

	&nbsp;

	Hevseroka Giştî ya ÎHD’ê Eren Keskîn diyar kir ku bûyer ne hiqûqî ne û wiha got: “Hem li dijî hiqûqa navxweyî ya Tirkiyeyê û hem jî li dijî peymanên navneteweyî, mafê me yê daxuyaniyê hate astengkirin. Em vê astengiyê protesto dikin."

	&nbsp;

	Jinan piştî name şandin belav bûn.

	&nbsp;