
Li Qeladizê têkildarî tundiya li ser jinê semînerek hat dayîn

2024-11-25 14:26:35


	&nbsp;

	&nbsp;&nbsp;

	&nbsp;

	NAVENDA NÛÇEYAN - Li Qeladizê bi boneya 25’ê Mijdarê Roja Têkoşîna li dijî Tundiya li ser Jinê semînerek hat dayîn. Di semînerê de hat gotin ku tûndûtijî di aliyê derûnî û fîzîkî de bandorên nerênî bi xwere tîne û di dawiyê de jî hemû civak zererê jê dibîne.

	&nbsp;

	Li Kolêja Perwerdê ya Qeladizê, ji aliyê Rêveberiya Têkoşîna li dijî Tundiya li ser Jinê ya Qeladizê û Kolêja Perwerda Raperînê ve semînerek li ser 25’ê Mijdarê hat dayîn.

	&nbsp;

	Di semînerê de Mamosta Suham Hisên li ser bandorên derûnî û civakî ku di encama tundiya li ser jinê de çêdibin axivî û got: “Em di nava civakê de wisa hatine fêrkirin ku tûndûtijî tenê tûndiya fîzîkiye, lê her kiryarek ji aliyê kesê beramber ve li dijî jinan û zarokan çêbe, ew dibe tûndûtijî. Ev jî çi dibe tundiya fîzîkî be, çi ya derûnê, çi ya zayendî çijî bi şêwazek din be.”

	&nbsp;

	Di dewamê de Suham Hisên da zanîn ku ev tûndûtijî di aliyê derûnî û fîzîkî de bandorên nerênî bi xwere tîne û di dawiyê de jî civak zererê jê dibîne.

	&nbsp;

	Di semînerê de hat diyarkirin ku divê ji bo nehiştina tundiya li ser jinê di her alî de xebat were kirin. Her wiha hat gotin ku divê jin û mêr hîn zêdetir werin hişyarkirin û jin bizanin xwediyê çi mafan in.

	&nbsp;

	Piştî semînerê jî ji aliyê Koma Xanimên Perî ve karên dest yên wek şirînî, xwarinên Kurdî, tablo, cilûberg û hwd hatin nîşandan.

	&nbsp;