ŞIRNEX - Mîtînga hilbijartinê ya DEM Partiyê bi tevlîbûna bi hezaran kesan pêk hat. Hevseroka Giştî ya DEM Partiyê Tulay Hatîmogullari di mîtîngê de wiha axivî: "Li şûna ku derî bi derî şer bikin, deriyê Îmraliyê vekin û rêya aştî û diyalogê ji wir derbas dibe. Bi milyonan Kurd daxwaza aştî û diyalogê dikin." 

 

Partiya Wekhevî û Demokrasiyê (DEM Parti) li navçeya Silopiyê ya Şirnexê bi tevlibûna Hevseroka Giştî ya DEM Partiyê Tulay Hatîmogullari, parlamenter Ayşegul Dogan, Newroz Uysal Aslan û Zeki Îrmez mîtîng li dar xist. Di mîtîngê de dirûşma “Em ê bi berxwedanê serbikevin”, “Bijî Serok Apo” , “Bê Serok jiyan nabe” û “Bijî berxwedana zindanan” berz kirin. 

 

Ayşegul Dogan axaftina yekem kir û bal kişand ser girîngiya hilbijartinê û got: "De di 31'ê Adarê de bersivê bidin. 

 

Tulay Hatîmogullari jî di mîtîngê de axivî û li ser xwedî li derketina sindoqan rawestiya û wiha dirêjî da axaftina xwe: "Ciwanên hêja, hûn hêviya Gelê Kurd û hemû gelan in. Divê em li dijî dizên sindoqan û hîleyên derewên AKP'ê xwe bi rêxistin bikin û ewlehiya sindoqan bigirin. Jixwe diziya herî mezin dike ku bi qeymeqam û qeymeqamên ku destnîşan kirine. Em ê vê zihniyetê û van zaliman li ser sindoqan binax bikin. 

 

Em careke din ji girtiyên siyasî yên di greva birçîbûnê de ne, ji dayikên xwe yên Nobeda Edaletê re dibêjin ku em hemû daxwazên wan parve dikin, dixwazin tecrîd bi dawî bibe û pirsgirêka Kurd bi rêyên aştiyane bê çareserkirin.

 

Ji bo kesên ku gelek wezîrên xwe dişînin civînên şer û hewl didin mudaxeleyê li Rojava û Kurdistana Iraqê bikin, em diyar dikin ku em ê ti carî vê yekê qebûl nekin. Li şûna ku derî bi derî şer bikin, deriyê Îmraliyê vekin û rêya aştî û diyalogê ji wir derbas dibe. Bi milyonan Kurd daxwaza aştî û diyalogê dikin. Ger hûn ê li deriyekî bixin, ew derî deriyê Îmraliyê ye. Ger şer biqede, bi pereyên ku ji bo çek, tank, top tên xerckirin, li Silopiya, Kurdistan, Çukurova û Behra Reş bi sedan nexweşxane û bi sedan kargeh têne çêkirin. Pêdiviya gelê Tirkiyeyê bi aştî û pêşketinê heye. Ne şer û pevçûn.

 

Piştî axaftinan hunermen Xecê û Arhat derketin ser dikê. Mîtîng bi gerandina govendê bi dawî bû.