
Îranê ceza li aktivîsta xwendekaran Motahhare Guneî birî 

2025-12-17 12:33:34


	&nbsp;

	NAVENDA NÛÇEYAN - Girtiya siyasî ya berê û aktivîsta xwendekaran Motahhare Guneî ku bi sûcdariya ‘Paropagandaya dijî rejîmê’ û ‘Heqareta li Hamaney’ cezayê girtîgehê lê hatibû birîn, ji bo pêkanîna cezayê hat gazîkirin.

	&nbsp;

	Aktivîsta xwendekaran û girtiya siyasî ya berê Motahhare Guneî, bi daxuyaniya li ser hesabê xwe yê medyaya dijîtal de, ragihand ku ji bo înfaza cezayê salekê yê girtîgehê bangî hatiye kirin.

	&nbsp;

	Li gorî tablîgatê, divê di nava 5 rojan de ji bo înfaza cezayê xwe radestî girtîgehê bibe. Motahhare Guneî berê jî ji aliyê Şaxa 29’an a Dadgeha Şoreşa Tahranê ve bi sûcdariya ‘propagandaya dijî rejîmê’ û ‘heqareta li Hamaney’ 21 meh cezayê girtîgehê lê hatibû birîn, piştî vê biryarê ji aliyê Dadgeha Îstinafê ve hate êrêkirin.

	&nbsp;

	Li aliyê din Motahhare Guneî hemwext didema, destpêkirina şerê di navbera Komara Îslama Îranê û Îsraîlê de, ji aliyê hêzên Wezareta Îstixbaratê ve hatibû binçavkirin û piştî mehekê bi kefaleta demkî hatibû berdan.

	&nbsp;

	Motahhare Guneî di dema şoreşa ‘Jin, Jiyan, Azadî’ de hate binçavkirin û demekê di girtîgehê de bû. Motahhare Guneî, piştî hate berdan ji zanîngeha hate avêtin.&nbsp;