
Bi hezaran kes serdana şîna Bêrîvan Kutlu kir 

2025-11-19 16:42:53


	&nbsp;

	ŞIRNEX - Bi hezaran hezkirî û welatî diherikin şîna siyasetmedar û aktîvîsta TJA'yê Berîvan Kutlu ya li Silopiyê û Rojava hatiye danîn.

	&nbsp;

	Ji bo Siyasetmedar û aktîvîsta Tevgera Jinên Azad (TJA) Berîvan Kutlu li taxa Yenîşehîrê ya navçeya Silopiyê ya Şirnex û Bakur û Rojhilatê Sûriyê sersaxî tên qebûlkirin. Hezaran jin, hezkirî û welatî ji bo sersaxiyê diherikin cihê şînê.&nbsp;

	&nbsp;

	Rêveberên partiyên siyasî û saziyên civaka sivîl ên Şirnex, Mêrdîn, Amed û Dêrsimê ku li taxa Yenîşehîrê kom bûne heya konê sersaxiyê ku wêneyên Berîvan Kutlu lê hatiye danîn bi dirûşmên, "Jin jiyan azadî" û "Şehîd namirin" meşiyan.&nbsp;

	&nbsp;

	Li vir Parlementera DEM Partiyê Newroz Uysal Aslan sersaxî ji malbata Berîvan Kutlu û Gelê Kurd re xwest. Parlementer Newroz Uysal Aslan diyar kir ku rêhevala wan Berîvan Kutlu her tim ji bo têkoşîna azadiya jinê û têkoşîna azadiya Gelê Kurd xebat dikir û berxwedanek gelek mezin da.&nbsp;

	&nbsp;

	Newroz Uysal Aslan, herî dawî da zanîn ku ew dê her tim ji bo xeyal û armancên Berîvan Kutlu têbikoşin.

	&nbsp;

	Ji bilî rêxistinên siyasî bi hezaran jin û welatî kom bi kom serdana şîna Berîvan Kutlu ya li Silopya hatiye danîn dikin.

	&nbsp;

	Li Rojava jî konê sersaxî hat danîn&nbsp;

	&nbsp;

	Rêhevalên Berîvan Kutlu li rojavayê Kurdistanê jî konê sersaxiyê danîne û bi hezaran welatiyên rojavayê Kurdistanê jî ji bo sersaxiyê diçin şînê&nbsp;

	&nbsp;

	&nbsp;