Li Amedê panela ‘Kevneşopiyên berxwedanên jinan yên li Mezopotamyayê’ 

2025-06-26 20:20:52


	 

	AMED - Li Peyasê panela ‘kevneşopiyên berxwedanên jinan yên li Mezopotamyayê’ pêk hat û jinan di panelê de balkişandin ser rola jinan a di civakê de. 

	 

	Ji aliyê Midûriyeta Polîtîkayên Jinan a Şaredariya Peyas a Amedê ve ‘kevneşopiyên berxwedanên jinan yên li Mezopotamyayê’ pêk hat.  Panel li Pirtûkxaneya Berhemên Jinan pêk hat. Hevşardara Peyasê Berîvan Gulşen Sîncar, xebatkarên jin yên şaredariyê, meclîsa jinan a Peyasê û rêxistinên jinan tevli bûn.

	Ji Jîneolojiyê Fîgen Aras wek axaftinker tevli panelê bû û da zanîn ku jinên Mezopotamyayê ji dîrok3e heta îro li dijî zilm, newekhevî û darkirinê berxwe dane. Fîgen Aras anî ziman ku di civakên berê de jî gelek jinên pêşeng hebûne û ji bo azadiyê têkoşîn meşandine.  

	 

	Fîgen Aras ji tecrubeyên dîrokî û şerên îroyîn derket û balkişan dser rola jinan a di civakê de.

	 

	Panel bi pirs û bersivan bidawî bû.