'Mijar êdî ne Îmamoglû û CHP'ê ye'

2025-04-03 09:02:27


	 

	  

	Nazlican Nûjîn Yildiz

	 

	ÎZMÎR - Endama MK'ê ya Piştevaniya Mor Dîdar Gul ku di çalakiyên li Îzmîrê de hat binçavkirin û piştî 4 rojan hat berdan, behsa binpêkirinên mafan ên di dema binçavkirinê de kir û got: Êdî mijar ne Ekrem Îmamoglu û CHP ye. Di vê pêvajoyê de bi taybetî kurd û sosyalîst bûn hedef."

	 

	Di çalakiyên ku bi girtina Şaredarê Bajarê Mezin ê Stenbolê Ekrem Îmamoglû destpê kirin de li gelek bajaran bi sedan kes hatin binçavkirin. Xwepêşandanên xwendekarên zanîngehan ku bi rojan e berdewam dikin, ji kampusan daketin kolanan. Di dema çalakiyan de tundiya polîsan û tacîza li ser jinan derket pêş, hat hînbûn ku kesên hatine binçavkirin jî lêdan xwarine û bi taybetî li jinan lêgerîna tazî hatiye ferzkirin. Li Îzmîrê di serdegirtinên malan û çalakiyên protestoyî de nêzî 500 kes hatin binçavkirin. Piraniya kesên hatin binçavkirin hatin berdan, gelek kesên din jî hatin girtin.

	 

	Endama Koordînasyona Navendî ya Piştevaniya Mor Didar Gul ku di serdegirtina malan de hat binçavkirin û piştre serbest hat berdan, behsa binpêkirinên mafan ên di dema binçavkirinê de kir. Dîdar Gul, anî ziman ku di çalakiyan de bi taybetî kurd û sosyalîst hatine hedefgirtin û diyar kir ku ev binçavkirin bi hewldanên astengkirina têkoşîna rêxistinbûyî ye.

	 

	'Mafê xwe yê qanûnê bikaranîn'

	 

	Dîdar Gul, anî ziman ku pêvajoya 19'ê Adarê destpê kir pêvajoya berê bû û ev pêvajoya qeyûm tayînî şaredariyên Kurdistanê kiribûn û diyar kir ku bi milyonan kes serî hildan û ew jî weke jin, sosyalîst û Kurd li kolanan bûn. Didar Gul got, "Di van çalakiyan de em rastî gelek operasyonên danê sibê hatin, êrîşên ku bi taybetî sosyalîst hatin hedefgirtin û binçavkirin. Ji bo min û 55 kesên ku ez jî di nav de bûm biryara binçavkirinê hat dayîn û em hatin binçavkirin. Em di pêvajoya binçavkirinê de derbas bûn ku bi pêkanînên tam keyfî serdest bûn. Tiştekî ku em ji ber sûcên propagandayê yên 4 rojan bên binçavkirin tune bû. Li hemberê zagona jimare 2911 li ber xwe didin. Tişta ku di çarçoveya vê qanûnê de hat kirin, li Îzmîrê bi tevahî 500 kes hatin binçavkirin, li gelek kes hê jî lêgerîn tê kirin û gelek kes hatin girtin."

	 

	'Ji Berxwedana Geziyê ditirsin'

	 

	Dîdar Gul, anî ziman ku ji roja hatin binçavkirin û vir ve rastî gelek kiryarên derqanûnî hatin û diyar kir ku ji ber hejmara zêde ya binçavkiriyan piraniya wan li erdê radizan û wiha bi lêv kir: "Gel mafên xwe yên destûrî bikar anîn da ku derkevin kolanan û tiştan protesto bikin. Bûyerek hebû ku çar rojan muayeneya doktor nebû. Em weke sosyalîst û weke endamên gel ên li wir bi me re hatin binçavkirin, li dijî vê îşkenceyê derketin."

	 

	Dîdar Gul anî ziman ku ew ê der barê pêvajoya binçavkirinê de serlêdana sûc bikin û vê rewşê bişopînin û got: “Lêgerîn bi awayekî ku şîdeta zayendî ya li ser jinê hat kirin. Kurd û sosyalîst hatin hedef girtin. Heman tiştî di Berxwedana Geziyê de jî min dît. Ji ber ku ji pêvajoya Berxwedana Geziyê ditirsin êrişên bi tund pêk tînin."

	 

	'Nirxên komînal ên gelan bidomînin'

	 

	Dîdar Gul, daxuyad ku mijar êdî ji Îmamoglu û CHP'ê derketiye û wiha axivî: "Sosyalîst, Kurd û gel bi xwe jî hewl didin li hemberî vê komê alternatîfa xwe ya sûdmend biafirînin. Divê hikûmet bi xwe ji Gezî bitirse. Geziyê serhildaneke bi heybet bû ku gel nirxên xwe yên komunal nîşan da. Tevgereke ku Kurd, Tirk, Elewî û jinan bi hev re li ber xwe didin bû. Çawa ku em weke sosyalîst piştgirî didin vê tevgerê, em ê di pêvajoyeke wiha de ne ku li ku derê lê bin em ê nirxên komînal ên gelan bilind bikin û hewl bidin berxwedaneke ku tê de nîqaşên nîjadperest ên li dijî sosyalîst, kurd û elewiyan ji holê bên rakirin û helbet em ê bi ser bikevin. Em li bendeke dîrokî ne ku polîtîkayên pêbaweriyê ji bo me ne nû ne. Ji vir şûnde me careke din hêza xwe bi bîr anî. Em bi mîlyonan in, ew tenê destek in. Em ê hêza xwe bikin hêzeke rêxistinkirî û bi nirxên komînal ên gelan vê têkoşînê bidomînin."