
Pirtûka 'Parastina Bêsînor' li Rihayê hat îmzekirin 

2025-02-09 16:35:19


	&nbsp;

	RIHA - Li Rihayê ji bo pirtûka "Parastina Bêsînor" a ku Fîgen Yuksekdag nivîsîbû çalakiyek îmzekirinê û sohbet hat kirin.

	&nbsp;

	Ji bo pirtûka Hevseroka berê ya Partiya Demokratîk a Gelan (HDP) a girtî Fîgen Yuksekdag, li Rihayê ji bo pirtûka "Parastina Bêsînor" roja îmza û hevpeyvînê hat lidarxistin. Nûnerên DEM Partiyê, nûnerên Partiya Herêmên Demokratîk, endamên meclîsê, Tevgera Jinên Azad (TJA), Meclîsa Dayikên Aştiyê, pêkhateyên Platforma Ked û Demokrasiyê û gelek welatî beşdarî çalakiya li Rêxistina Navçeya Halîliye ya Partiya Wekhevî û Demokrasiyê ya Gelan (DEM Partî) hate lidarxistin bûn. Di hevdîtinê de Hevserokê DEM Partiyê yê Rihayê Bekîr Karakeçîlî axivî û got, "Em ê têkoşîna hevalên zindanê bidomînin."

	&nbsp;

	Têkoşîna ku sînor û astengan nas nake

	&nbsp;

	Piştre Hevseroka Komîsyona Hiqûqê ya DEM Partiyê Sevda Çelîk Ozbîngol ku mafê axaftinê girt, parastina wan a ji doza Kobanê ya ku Fîgen Yuksekdag dihat darizandin bi bîr xist. Sevda Çelîk Ozbîngol, bal kişand ser parêznameyên ku di vê pêvajoyê de ji aliyê siyasetmedaran ve hatine kirin û pirtûka Fîgen Yuksekdag a di ronahiya van parêznameyan de.

	&nbsp;

	'Ger berdêl neyê dayîn têkoşîn nayê qezençkirin'

	&nbsp;

	Parlamentera DEM Partiyê ya Stenbolê Çîçek Otlu ya herî dawî axivî got, "Ev parêznameyên Fîgen Yuksekdag parastina çawaniya hevgirtina serhildana Kobanê û Geziyê ye. Bêyî ku berdêl bidin, li van axan têkoşîn bi ser nakeve. Divê em xwedî li têkoşîna birêxistinkirî derkevin."

	&nbsp;

	Piştî sohbetê pirtûka Fîgen Yukseksedag hat îmzekirin.&nbsp;

	&nbsp;

	Çalakî piştî îmzekirina pirktûkê bi dawî bû.

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;