Li Reqayê çalakiya Roja Zarokan  

2024-11-21 16:02:32


	 

	 

	NAVENDA NÛÇEYAN - Desteya Jinan a Rêveberiya Xweseriya Demokratîk a kantona Reqayê bi boneya Roja Zarokan a Cîhanê çalakiyek li dar xist.

	 

	Desteya Jinan a Rêveberiya Xweseriya Demokratîk a Kantona Reqayê bi boneya Roja Zarokan a Cîhanê ku 20`ê Mijdarê ye, çalakiyek li dar xist. Çalakî li hola Navenda Çandê ya Reqayê bi amadebûna endamên desteyê, Kombûna Jinan a Zenûbiya û Desteya Perwerde û Fêrkirinê ya kantona Reqayê hat lidarxistin.

	 

	Seroka Desteya Jinan Emel El Casim axivî û bixêrhatina beşdaran kir û bi bîr xist ku 20’ê Mijdarê ji bo parastina mafên zarokan û mîsogerkirina siberojeke ewle ji wan re wek Roja Zarokan a Cîhanê hatiye îlankirin, lê zarok dibin qurbaniyên şer û ji mafên xwe bê par tên hiştin.

	 

	Dûre zarokên Baxçeya Yasemîn û Kewkeb El Tifûle şano û stran pêşandan.