
Şaredariya Hesekê bertek nîşanî qeyûman da 

2024-11-04 19:04:10


	&nbsp;

	NAVENDA NÛÇEYAN - Şaredariya Gel a Hesekê desteserkirina 3 şaredariyên Bakurê Kurdistanê ji aliyê dewleta Tirk ve, şermezar kir û piştevaniya xwe ji bo şaredariyan û berxwedana gel nîşan da.

	&nbsp;

	Endamên Şaredariya Gel a Hesekê ya kantona Cizîrê li ber avahiya xwe ya li taxa Tel Hecerê kom bûn û bi daxuyaniyekê piştgirî da 3 şaredariyên Bakurê Kurdistanê ku îro dewleta Tirk li şûna hevşaredarên wan qeyûm (karmendên fermî yên dewletê) tayîn kirin.

	&nbsp;

	Daxuyanî ji aliyê hevşaredar Sadiya Kotî ve hat xwendin.

	&nbsp;

	Sadiyayê diyar kir ku dewleta Tirk hewldanên xwe yên qirkirina siyasî li dijî şaredariyên bi vîna gelê Bakurê Kurdistanê û Tirkiyeyê hatine hilbijartin, didomîne û got: “Roj bi roj dewleta Tirk a faşîst a bi serkêşiya AKP'ê ya Erdogan îspat dike ku dijminê hemû nirxên mirovahiyê ye û dijminatiya hemû gelên herêmê ye.”

	&nbsp;

	Sadiyayê bi van gotinan peyama piştevaniya bi şaredariyên Bakurê Kurdistanê re da: "Em weke Şaredariya Gel a Hesekê operasyonên qirkirina siyasî yên li dijî şaredariyên gel ên Bakurê Kurdisanê, şermezar dikin. Em piştgiriyê xwe bo îradeya gel nîşan didİn û berxwedana wan pîroz dikin. Em piştgiriya xwe ya bi vîna gel û dengê wî yê azad ê li Bakurê Kurdistanê û Tirkiyeyê re radigihînin."

	&nbsp;