
Meclisa Kombûna Jinan a Zenûbiya êriş şermezar kir  

2024-10-30 15:49:48


	&nbsp;

	&nbsp;

	NAVENDA NÛÇEYAN - Komîteya Aborî ya Meclisa Kombûna Jinan a Zenûbiya, ciwanên PYD’ê û şêniyên Bakur û Rojhilatê Sûriyeyê bi daxuyaniyan êrişên dewleta Tirk a dagirker ên li dijî herêmê şermezar kirin û banga derxistina artêşa Tirk ji axa herêmê kir.

	&nbsp;

	Komîteya Aborî ya Kombûna Jinan a Zenûbiya, ciwanên PYD’ê û şêniyên Bakur û Rojhilatê Sûriyeyê bi daxuyaniyan êrişên dewleta Tirk ên li dijî herêmê şermezar kirin.

	&nbsp;

	Tebqa

	&nbsp;

	Komîteya Aborî ya Kombûna Jinan a Zenûbiya ya kantona Tebqayê bi daxuyaniyekê êrişên dewleta Tirk ên li dijî herêmê şermezar kirin. Endama Komîteya Aborî ya kombûnê Necah El Hisên daxuyanî li pêşiya avahiya Şaredariya Gel a Tebqayê xwend.&nbsp;

	&nbsp;

	Di daxuyaniyê de êrişên dewleta Tirk ên li dijî herêmê hatin şermezarkirin û bang li hêzên navnetewî hat kirin ku berpirsyariyên xwe yên qanûnî û mirovî bi cih bînin, gelê herêmê biparêzin û sûcên dagirkeriyê li dijî sivîlan rawestînin.

	&nbsp;

	Heleb

	&nbsp;

	Ciwanên PYD`ê bi daxuyaniyekê êrişên dewleta Tirk ên li dijî herêmê şermezar kirin. Endama PYD`ê Sewsen Bîlal daxuyanî li Qada Şehîdan a taxa Şêxmeqsûdê xwend.

	&nbsp;

	Di daxuyaniyê de êrişên dewleta Tirk hatin şermezarkirin û bang li ciwanan hate kirin ku van êrişan şermezar bikin.

	&nbsp;

	Her wiha bang li NY û civaka navneteweyî hate kirin ku rê li pêşiya dewleta Tirk bigire, sûcan rawestîne, rê nede vejandina DAIŞ`ê û komên terorîst ên ku dewleta Tirk wan fînanse dike.

	&nbsp;