Cinîyê Başûrî semedê Rojawanê Kurdistanî veng da 

2024-12-07 13:14:13


	 

	 

	MERKEZÊ XEBERAN - Silêmanîye de komêke cinî bi nameyê "Cinîyê 25ê Teşrîna Peyêne" bi eşkerayîyêke paştdayîşê xo yê semedê Rojawanê Kurdistanî neql kerdî û venga pêro şarê Herêma Kurdistanî kerdî ke paştdayîş bidê Rojawanê Kurdistanî.

	 

	Bajarê Silêmanîye de komêke cinîyan ê bi nameyê "Cinîyê 25ê Teşrîna Peyêne" ke komêke cinîyê Başûrê Kurdistanî ra pê yenê, bi eşkerayîyêke paştdayîşê xo yê semedê şarê Rojawanê Kurdistanî ardî ziwan. 

	 

	Eşkerayîye de cinîyan neql kerd ke ê paştdayîşê xo yê semedê Rojawanê Kurdistanî neql kenê û vatî; “Ma venga pêro şarê herêma Kurdistanî, hetê sîyasî kenê ke pîya paştdayîş û hetkarîya Rojawanê Kurdistanî bikerê.”

	 

	Derheqê babete de yew endama koma cinîyan ê Cinîyê 25ê teşrîna peyêne Bêxal Sabir ajansê ROJNEWSî rê qisey kerd û vat: “Ma venga welatijê herêma Kurdistanî, rêxistinê heqê merdiman kenê ke paştdayîşê Rojawanê Kurdistanî bikerê. Ma venga hukmatê herême zî kenê ke semedê paştdayîşê Rojawanî hêzê pêşmerge bikerê mîyanê têgêrayîşî û berêk mîyanê xo de abikerê. Ma wazenê hukmat rayîr bido ma no hewte kampanyayêke hetkarî neql bikerê. Semedo ke komê çekdar dişminê pêro kurdan ê û hetê dişminê kurdan ra yenê îdarekerdiş.”