Sorgul Şêxo

 

HESEKÊ - Endama Îdarekara Kongreya Star Gulîxan Tahire derheqê serrgera qirkerdişê Parîsî de va: "Seserra 20in de Roza Luksemburg û seserra 21in de zî Sakîne Cansizetarîx de rayberîya têkoşînî kerdî."

 

Têkildarê serrgera qetilkerdişê 3 cinîyê sîyasetmedaran Sakîne Cansiz, Leyla Şaylemez, Fidan Dogane de Endama Îdarekara Kongreya Star Gulîxan Tahire va: "Sakîne Cansiz û hemrayê xo rayberîya têkoşînî kerdî. Ganî berpirsîyarî hesabê nê qirkerdişî bidê."

 

Gulîxane va: "Dişminan bi qetilkerdişê cinîyê têkoşer wazeno ke mesajê 'ma vera îradeyê azad ê cinîyan ê' bidê. Zîhnîyetê faşîst her wext têkoşîn û destkewtişê cinîyê ke xo ver danê hedef gênê. Seba ke zîhnîyetê nêrî û yewperest zano ke, wexto ke cinî serkewte biba do komel zî aver şêra. Seba ke ê averşîyayîş nêwazenê her wext hêrişê têkoşînê cinîyan kenê. Sakîne û embazê xo seba ke têkoşer û xoverdayox bî coka hedef ameyî girewtiş. Înan seknê xo ra çîyêk vindî nêkerd."

 

'Sakîne Cansîz û hemrayê xo rayberîya têkoşînî kerdî'

 

Gulîxane tewr peyîn wina va: "Bi milyonan cinîyan têkoşînê Sakîne û hemrayê înan nimûne girewtî. Ê nasnameyê ma cinîyan ê. Înan bi serran hewl da ke cinî koletî ra bixelisînê. Seserra 20in de Roza Luksemburg û seserra 21in de zî Sakîne Cansiz û hemrayê xo tarîx de rayberîya têkoşînî kerdî. Ganî berpirsîyarî hesabê nê qirkerdişî bidê."